«Реал» клуби ярим ҳимоячиси Лука Модрич Загребнинг «Динами» собиқ президенти Здравно Мамич иши юзасидан ёлғон гувоҳлик бергани учун айбланмоқда.

Здравко Мамич, унинг акаси Зоран ва яна икки киши «Динамо» бюджетидан 15 миллион еврони ноқонуний ўзлаштиргани учун айбланмоқда. Мамич футболчиларнинг шартномасида кўпроқ қўшиб ёзиш билан шуғулланган ва пул ўртада бўлинган.

Прокуратуранинг таъкидлашича, 32-ёшли Модрич 2017 йилнинг июнь ойида ўзининг 2008 йили «Динамо» клубидан «Тоттенхэм» сафига ўтиши ҳақидаги трансфер маълумотларини берганида ёлғон гапирган. Шартномага қайд қилиган қўшимча бўйича, Лука ўзининг трансферидан 50 % миқдордаги пулни олиши керак бўлган. Футболчининг гапига кўра, у пулларни Мамич одамларига берган.

Прокуратурани қизиқтирган нарса шундаки, Модрич ушбу қўшимча шартни қачон имзолангани. Судда Лука 2004-йилнинг июлида деб таъкидлаган, аммо суриштирувнинг таҳмин қилишича, бу «Тоттенхэм» жамоаси билан келишувдан кейин содир бўлган.

Агар футболчи ёлғон гувоҳлик бергани исботланса 5 йиллик қамоқ жазоси тайинланиши мумкин.