Мадриднинг “Реал” клуби ҳужумчиси Криштиану Роналду “Хетафе”га қарши учрашувда гол урди. Гап шундаки, ушбу гол Роналду учун Примеродаги 300-гол сифатида қайд этилдди. Қизиқарлиси, Криштиану “Барселона” ҳужумчиси Лионель Месси (372 гол) дан кейин бу натижани такрорлаган иккинчи футболчига айланди. Шунингдек, Роналду Ла лигада 20 учрашувда майдонга тушиб, 15-голини уришга муваффақ бўлди.

Айтганча, португалиялик футболчининг ўзининг иккинчи голини бош билан урди. Роналду учун мазкур гол Испания чемпионати доирасида бош билан киритилган 50-гол бўлди. Мазкур натижа Ла лиганинг 2003/04 йилги мавсумидан кейин қайд этилган энг яхши рекорддир.

***

«Реал» бош мураббийи Зайниддин Зидан Ла лиганинг 27-тури доирасида бўлиб ўтган «Хетафе»га қарши ўйиндан (3:1) кейин ўз фикрларини билдириб ўтди. 

«Бугунги ўйинимиз ва натижадан қониқиш ҳосил қилдим. Энди бор эътиборимизни сешанба куни бўладиган баҳсга қаратамиз. Ҳозирда «Реал» 4 кун аввалгига нисбатан яхши ҳолатда. Аммо сешанба куни янада яхшироқ ўйнашимиз керак. Роналду Париждаги ўйинда иштирок этади. У ҳозир ажойиб формада», — деди Зидан.
«Реал» 6 март, сешанба куни Европа чемпионлар лигасининг 1/8 финал босқичи доирасида «ПСЖ»га қарши жавоб баҳсини ўтказади. Мадридда бўлиб ўтган дастлабки ўйинда Зидан шогирдлари 3:1 ҳисобида ғалаба қозонишган.