Осиё чемпионлар лигаси 3-туридан ўрин олган «Насаф» - «Ал-Садд» учрашуви ўз ниҳоясига етди ва унда мезбонлар кичик ҳисобда ғалаба қозонди.

Баҳс тенг курашлар остида кечган бўлсада вакилларимиз кучли рақибга муносиб қаршилик қила олди. Меҳмонлар таркибида юлдуз футболчиси жароҳати сабаб йўқ эди. Учрашувдаги ягона ғалаба тўпини пенальтидан Азиз Ғаниев 62-дақиқада киритди.

ОЧЛ. 3-ТУР

НАСАФ — АЛ-САДД – 1:0 (0:0)

05.03.2018. "Марказий" стадион. 20900 томошабин.

Гол: Азиз Ғаниев (62-пенальти).

Ҳакамлар: Иида Жумпей (Япония), Очи Шинжи (Япония), Караками Сатоши (Япония), Алибек Сапаев (Туркманистон).

Насаф: Санжар Қувватов, Славко Лукич, Игорь Голбан, Умар Эшмуродов, Сайдулло Раҳматов, Одилжон Ҳамробеков, Азиз Ғаниев, Жасур Ҳасанов (Шароф Муҳитдинов, 87), Ислом Рашидхонов (Жаҳонгир Алиев, 90), Ислом Кенжабоев (Мақсуд Каримов, 79), Бобур Абдихолиқов.

Ал-Садд: Саад Алшии, Педро Корреа, Ёсир Иса (Али Асад, 71), Ҳамид Исмоил Ҳалифа, Абдулкарим Ҳассан, Аҳмед Суҳаил, Буалем Кухи (Ҳассан Ал Ҳайдос, 60), Салим Али Ал Ҳажри, Акрам Афиф, Жугурта Ҳамрон (Ҳасан Аҳмад, 82), Бағдод Баунеджах.

Огоҳлантиришлар: Аҳмед (19), Раҳматов (21).