“Бунёдкор” – “Пахтакор” учрашувидан кейинги матбуот анжуманинг иккинчи қисмида “қалдирғочлар” вакиллари қатнашишди.

- Дербига хос ўйин бўлди. Шиддатли ва кескин курашларга бой учрашувдан энг аввало, мухлислар ютди, деб ўйлайман. Ғалаба қозондик. Бундан хурсандмиз. Шогирдларимдан фаҳрланаман. Тўғри, биринчи бўлимда ташаббус рақиб томонида бўлди. Бироқ иккинчи бўлим тенг курашлар остида ўтди. Аниқроғи, жамоалар очиқ футбол кўрсатишди. Голли вазиятлар айнан иккинчи 45 дақиқаликда кўпроқ яратилди. Стадионга ташриф буюриб, ажойиб муҳит яратган мухлисларга раҳмат айтаман. Бундай шароитда тўп тепиш ёқимли. Агар мухлислар оқими шундай бўлиб турса, футболчилар ҳам қўшимча мотивация билан ҳаракат қилишади ва албатта бундан футболимиз ютади. Бугунгидек учрашувлар орқали футболчиларнинг маҳорати ошиб бораверади. Таркибимизда ўзгаришлар бор. Етакчиларимиз жамоани тарк этишди. Аммо бундан фожеа ясамай, янги футболчиларни ихтиро қиламиз, - дейди Миржалол Қўшоқович.

- Дербига ўзгача руҳда тайёрланган эдик. Йигитлар билан бирдам бўлиб, ушбу ўйинга алоҳида тайёрлангандик. Мураббийларнинг кзрсатмалари асосида ғалаба қозондик. Ўйин сўнггидаги пенальтида таваккал қилишни маъқул топмадим. Шунчаки, тўп йўналишига қараб иш тутдим. Омадим чопиб, дарвозам даҳлсизлигини сақлаб қолдим, - дейди шу куни “Бунёдкор” таркибида учрашувнинг энг яхши футболчиси деб топилган Муроджон Зуҳуров.