«Манчестер Сити» клуби бош мураббийи Хосеп Гвардиола футбол агенти Мино Райоланинг гапларига жавоб қайтарди. Аввалроқ, агент мутахассисни кўппак деб атаганди.

«Райола туфайли одамлар мени сирларимни билиб олишди. Энди ҳамма мени ёмон одам ва қўрқоқлигимни билади. Аммо нима сабабдан бунчалик ёмон йигит эканимни билмайман. Мен ҳеч қачон у билан сухбатлашмаганман. Балки, Ибраҳимович мен ҳақимда унга гапириб бергандир.

Икки ой олдин Райола менга Мхитарян ва Погбани сотиб олишни таклиф қилди. Нимага? Нима сабабдан бу таклиф билан чиқди? Погба ва Мхитарянни «Манчестер Сити»да ўйнашини хоҳладими? Райола ўз мижозларини ҳимоя қилиши керак ва мен каби кўппакка уларни топшириб қўймаслиги лозим. Ит билан солиштириш яхши эмас, бу нотўғри. У итларни ҳурмат қилиши лозим.

Менинг жавобим? Мен «йўқ» деб жавоб бердим. Бизда Погбани сотиб олишга етадиган пул йўқ, у жуда қиммат ўйинчи.

Мен ҳайрон қолдим, ахир у мени ит деб атади. Райоланинг футболчилари мендан яхшироқ инсонлар қўл остида ўйнаши керак. Аммо шу билан бир қаторда, кучли мураббий эканимни ҳам айтибди. Раҳмат», – дейди Гвардиола.