Мадриднинг «Реал» клуби бош мураббийи Зинедин Зидан Испания чемпионати 31-тури доирасидаги «Атлетико» билан қайд этилан дурангга изоҳ берди.

«Криштиану бу Криштиану. У бутун фаолияти давомида шундай ўйнаб келмоқда ва мавсумда 50та гол унинг учун одатий ҳол. Тўғри, бизда бу каби гол урадиган ўйинчи йўқ.

Аммо бошқа футболчилар ҳам тўп киритиши мумкин, буни улар бундан аввалги ўйинларда кўрсатиб беришди. Бўлаётган ишларнинг барчасига ижобий тарафдан қараш лозим. Аммо шуниси аниқки, Роналдунинг сафда бўлгани яхшироқ.

Захирага олинишига келадиган бўлсак, мен унга шунчаки дам олиш имкониятини бердим. Биз жуда ҳам тиғиз тақвимга эгамиз, баъзида дам олиб ҳам туриш керак. Шунга қарамай у кундан кунга ўзини яхши ҳис қилмоқда ва сиз буни кузатишингиз мумкин.

Мен «Атлетико» жамоасига қарши кўрсатган ўйинимиздан мамнунман. Янада яхши натижага лойиқ эдик, кўплаб вазиятлар яратдик. Аммо мағлуб бўлишимиз ҳам мумкин эди.

Биринчи бўлимда кўплаб ҳавфли вазиятлар бўлди, аммо голга айлантира олмадик. Иккинчи бўлимнинг аввалида тўп киритдик, бироқ кейин жуда ҳам қийин кечган ўн дақиқада жавоб голини қабул қилдик.

Уч очко олмаганимиздан афсусдаман, лекин ўйинимиздан кўнглим тўқ», - дейди Зидан.