Испания чемпионатининг 32-туридан ўрин олган «Барселона» – «Валенсия» учрашуви ўз ниҳоясига етди. «Камп Ноу»да бўлиб ўтган ўйинда мезбонлар ғалабани қўлга киритишди.

Учрашувнинг 15-дақиқасида Луис Суарес Филиппе Коутиньонинг узатмасидан сўнг рақиб дарвозабони билан яккама-якка вазиятга чиқиб борди ва зарба беришда адашмади. Биринчи бўлимда меҳмонларда гол уриш учун бир қатор имкониятлар юзага келди, бироқ сўнгги зарбалардаги ноаниқлик ва тер Стегеннинг сейвлари каталонияликларни голлардан асраб қолди.

Иккинчи бўлим дебютида яна Коутиньонинг узатмасини Самуэль Умтити тўпни боши билан дарвозага жойлаб қўйди ва жамоасининг иккинчи голини урди. Шундан сўнг устунлик мезбонлар томонига ўтди.

Ўйин якунланиши арафасида Усмон Дембеле ўз жарима майдони ичида қўпол ҳаракат қилди ва белгиланган пенальтини Даниэль Парехо аниқ амалга оширди.

Шу тариқа, мезбонлар Ла Лигадаги мағлубиятсиз сериларини давом эттирадиган бўлдилар.

Испания чемпионати, 32-тур

Барселона – Валенсия 2:1 (1:0, 1:1)

Голлар: 1:0 – 15 Суарес, 2:0 – 51 Умтити, 2:1 – 87, пенальти Парехо.

Барселона – тер Стеген, Умтити, Пике, Альба, Паулиньо, Серхи Роберто (Нелсон Семеду, 90), Иньеста (Денис Суарес, 84), Бускетс, Коутиньо (Дембеле, 79), Месси, Суарес.

Валенсия – Нето, Гарай, Гайя, Рубен Везу, Габриэл, Солер, Парехо, Кондогбиа, Гонсалу Гедеш (Перейра, 69), Санти Мина (Вьетто, 71), Родриго (Дзадза, 80).

Огоҳлантиришлар: Пике (7), Кондогбиа (12), Габриэл (75), Дембеле (86).