Англия премьер лигаси 34-тури доирасидаги «Манчестер Юнайтед» ҳамда «Вест Бромвич» ўртасидаги учрашув ўз поёнига етди. Қизиқарли тарзда кечган учрашув кутилмаганда меҳмонларнинг 0:1 ҳисобидаги ғалабаси билан якунланди.

Бир қатор вазиятлар бўлишига қарамай биринчи бўлимда дарвозалар дахлсиз қолди. Иккинчи бўлимда ҳужумкорлик ошди ва учрашув анча кескинлашди.

73-дақиқага келиб, «Вест Бромвич» вакили Жей Родригес «қизил иблислар» дарвозасини ишғол қилди. Мезбонлар қанча уринишмасин мазкур гол ягоналигича қолди ва Даррен Мур шогирдлари «Олд Траффорд» муҳим уч очкони қўлга киритишди.

АПЛ. 34-ТУР

МАНЧЕСТЕР ЮНАЙТЕД – ВЕСТ БРОМВИЧ 0:1 (0:0)

15 апрель, «Олд Траффорд»

Гол: Жей Родригес (73).

Манчестер Юнайтед: де Хеа, Смоллинг, Линделеф, Валенсия, Янг (Рэшфорд, 75), Погба (Марсьяль, 58), Матич, Мата, Эррера (Лингард, 46), Санчес, Лукаку.

Вест Бромвич: Фостер, Доусон, Гиббс, Ньом, Хегази, Филлипс (Криховяк, 77), Ливермор, Брант (Якоб, 90), Макклейн, Рондон (Старриж, 85), Родригес.

Огоҳлантиришлар: Погба (29), Ньом (77).