Испания чемпионатининг 33-туридан ўрин олган «Сельта» – «Барселона» учрашуви ўз ниҳоясига етди. «Балаидос» стадионида кечган ўйин 2:2 ҳисоби билан тугади.

Каталонияликлар икки бор ҳисобда олдинга чиқиб олган бўлсаларда ғалабани ушлаб қола олмадилар. Меҳмонлар сафида Усмон Дембеле ва Пако Алькасер гол уришган бўлишса, «Сельта»нинг тўпларига Хонни ва Яго Аспаслар муаллиф бўлишди.

71-дақиқадан сўнг «Барселона» камчилик бўлиб ҳаракатланишга мажбур бўлди. 60-дақиқада захирадан майдонга тушган Серхи Роберто орадан кўп ўтмай тўғридан-тўғри қизил карточка олиб майдонни тарк этди.

«Барселона» 83 очко тўплаган ҳолда турнир жадвалида етакчиликни сақлаб турибди.

Испания чемпионати, 33-тур

Сельта – Барселона 2:2 (1:1, 1:1)

Голлар: 0:1 – 36 Дембеле, 1:1 – 45 Кастро, 1:2 – 64 Пако Алькасер, 2:2 – 82 Аспас.

Сельта – Альварес, Гомес, Ронкалья, Кастро, Браис Мендес (Бойе, 83), Васс, Лоботка, Хосабед (Радоя, 73), Систо (Мор, 79), Макси Гомес, Аспас.

Барселона – тер Стеген, Мина, Динь, Нелсон Семеду, Вермален, Денис Суарес, Паулиньо, Коутиньо (Месси, 60), Андре Гомеш (Серхи Роберто, 60), Дембеле (Алеиш Видаль, 78), Пако Алькасер.

Огоҳлантиришлар: Аспас (56), Васс (78), Кастро (88).

Четлатиш: Серхи Роберто (71)