Лондоннинг «Арсенал» клуби бош мураббийи Арсен Венгер ўз лавозини тарк этади. 68 ёшли мутахассис жорий мавсум якунига етгандан сўнг лондонликлар сафиини тарк этишини эълон қилди.

«Кўп ўйлаб, жуда кўп муҳокама қилганимдан сўнг тушуниб еттимки, жамоани тарк этадиган вақтим келган. Мавсум якунида бу иш амалга ошишади. Шунга қарор қилдим.

Клубда кўп йилни ўтказдим ва жуда кўплаб ёқимли хотираларни бошдан кечирдик. Бунинг йўлида хизмат қилган, бизга шароит яратиб терган барчага ўз миннатдорчилигимни билдираман. Клубни ҳалоллик ва садоқат билан бошқардим.

Жамоанинг мухлислари ҳар доим клуб қадриятларини ҳурмат қилиб келишган. «Арсенал» доим юрагимда бўлади ва ҳар қандай ёрдамга доимо шайман» - дейди Венгер ўз баёнотида.

Маълумот учун, франциялик мутахассис 1996 йилдан бери «Арсенал»ни бошқариб келади. Бу вақт давомида улар уч маротаба Англия чемпионлигини қўлга киритишди. Шунингдек, етти маротаба, Англия кубоги, яна етти маротаба Суперкубокка эга чиқишган. Арсен Венгер АПЛнинг 3 карра энг яхши мураббийи ва 4 маротаба Европанинг энг яхши мураббийи унвонларига сазовор бўлган.