Суперлиганинг 7-туридан ўрин олган “Қизилқум”- “Нефтчи” (1:0) учрашувидан кейинги матбуот анжуманида дастлаб меҳмонлар мураббийи Абдумалик ҲАКИМОВ ва жамоа сардори Шукурали ПЎЛАТОВ иштирок этишди.

-Авваламбор “Қизилқум” жамоасини бугунги ғалаба билан табриклайман. Олдиндан айтиб ўтмоқчи эдим, жамоамиз бош мураббийи Баҳромжон Ҳайдаров бетоблиги учун бугунги ўйинда иштирок эта олмади. Бугун Навоийга ғалаба учун келгандик.  Рақибни ҳар тарафлама ўрганган эдик. Битта хатоимиз бизга қимматга тушди. Ўйин борасида мезбонларга ютқиздик, деб ўйламайман, -дея ўз фикрларини билдириб ўтди “Нефтчи” мураббийи.

ШукуралиПўлатов: -Мураббийимиз таъкидлаганидек, ўйин бошида ўша стандарт вазиятда бирозгина эътиборсизлигимиз бизга қимматга тушди. Шунинг эвазига гол ўтказиб юбордик. Қўлдан келганича вазиятни ўнглашга уриндик. Аммо бунинг уддасидан чиқа олмадик. Афсуски, мағлуб бўлдик. Энди кейинги беллашувга ҳозирлик кўрамиз. 

***

-Бугун ютишимиз шарт эди. Қийнчилик билан бўлсада, мақсадимизга эришдик. Иккита жамоа ҳам уч очко учун ҳаракат қилди. “Нефтчи” меҳмонда тўп тепгани учунми иккинчи рақам остида ҳаракат қилиб, ҳимоявий ўйин намойиш этди. Шу боис бироз қийинчиликка дуч келдик. Муҳими уз уйимизда Суперлигадаги илк ғалабани нишонладик. Бизни стадионга келиб қўллаб-қувватлаган мухлисларга ўз миннатдорчилигимини билдириб ўтаман, -дея ўз фикрларини билдириб ўтди Ҳамиджон Ғуломович.

ГиоргиКвесиешвили: -Бундан олдинги беллашувда - “Бухоро”га қарши кубок баҳсида 120 дақиқа ҳаракат қилгандик. Шу боис бугун бироз чарчоқ аломатлари барибир бизда сезилди. Энг муҳими ғалаба қозониб, уч очкони қўлга киритдик. Жамоадошларим бор кучларини бериб ҳаракат қилишди.