Қайднома

Қидирув

«Динамо» – «Хўжанд»: Дўстлик ғалаба қилган ўйин

«Динамо» – «Хўжанд»: Дўстлик ғалаба қилган ўйин

  22.04.2018 12:16
  0
  426
«Динамо» – «Хўжанд»: Дўстлик ғалаба қилган ўйин

Самарқандда катта футбол байрами ўтказилди. “Динамо” жамоаси Тожикистоннинг “Хўжанд” клубига қарши ўртоқлик учрашувини ўтказди.

Ўзбекистон ва Тожикистон Республикалари ўртасидаги дўстлик алоқаларини янада мустаҳкамлаш, икки давлат ўртасида иқтисодий-ижтимоий соҳаларда ҳамкорликни ривожлантириш, икки давлат президентларининг бир қатор қарор ва келишувларнинг амалий давоми сифатида Самарқанд ва Тожикистоннинг Суғд вилояти ҳокимиятларининг ҳамкорлик ва ўзаро келишувларига мувофиқ, Самарқандда 20-21 апрель кунлари икки вилоят ўртасида бизнес-форум, саноат маҳсулотлари кўргазмаси, маданий дастур ва футбол жамоалари ўртасида ўртоқлик учрашуви ўтказилди.

“Динамо” – “Хўжанд” учрашувидан олдин стадионда кенг кўламдаги ободонлаштириш ишлари олиб борилиб, янги замонавий рақамли табло ўрнатилди, ёритгичлар, ўриндиқлар янгиланди. Ўйин бошланишига икки соат қолганида “Динамо” стадиони томошабинлар билан лиқ тўлиб, минглаб мухлислар ўйингоҳ ташқарисида қолиб кетишди. Ўйинга қўшни Тожикистондан ҳам катта делегация етиб келган эди, стадионда икки давлат байроқлари ҳилпираб турди.

Ўйиндан олдин ҳар икки давлат мадҳиялари янграгач, Самарқанд вилояти ҳокими Туробжон Жўраев ва Суғд вилояти ҳокими Ражаббой Аҳмадзода расмий тарзда тўпни ўйинга киритиб беришди.

Ажойиб футбол атмосферасида бошланган учрашувда дастлаб меҳмонлар икки тўп киритган бўлишса, мезбонлар иккинчи бўлимда мувозанатни тиклашди. Икки мамлакат, хусусан икки вилоятнинг катта тадбирлари давомида байрамона байрамона ўтган баҳсда дўстлик ғалаба қозонди – 2:2.

 

Ўртоқлик учрашуви.

20 апрель (жума)

“ДИНАМО” – “ХЎЖАНД” – 2:2

Самарқанд, 13 250 томошабин.

Голлар: Темур Аблямитов 40, Дамир Темиров 65 (пен.) - Фарход Тохиров 15, Хожибой Зиёев 35.

«Динамо»: Рустам Тоштурдиев, Ҳакимхон Аъламхонов, Ҳумоюн Толибов, Азизбек Суюнов, Далер Алмосжонов, Дамир Темиров, Отабек Ражабов, Дамир Жабборов, Темур Абляметов, Асадбек Толибов, Мехрож Худойбердиев.

«Хўжанд»: Алексей Матросов, Соҳиб Ҳакимов, Фирдавс Чакалов, Меърож Шарифзода, Хуршед Бекназаров, Абдусамад Хўжабоев, Фурқат Ҳасанбоев, Дилшод Каримов, Дамир Азимов, Дилшод Бозоров, Фарход Тохиров.

 

Захирдан майдонга тушганлар: Дилшод Додабоев, Бахтиёр Чориев, Манучехр Ахмедов, Хожибой Зиёев, Жаҳонгир Эргашев.


Манба: fcdinamo.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »
  • Миллий терма жамоанинг янги бош мураббийи Сречко Катанецнинг Ўзбекистондаги келажагига қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz