Суперлига 8-турини якунлаб берган «Бунёдкор» ва «Локомотив» ўтрасидаги Тошкент дербиси кутилганиданда қизиқарлироқ руҳда кечди ва мухлислар кутмаган совғаларга бой бўлди.

Биринчи бўлимда ўртача темпда кечган учрашувда дарвозалар дахлсиз қолди.

Иккинчи бўлимнинг 59-дақиқаси «қалдирғочлар» вакили Мурод Тошматов ҳисобни очди. 70-дақиқада Рустам Ашурматов ўз жарима майдони ичида тўпни қўли билан ўйнагани учун майдондан четлатилди ва пенальти белгиланди. Зарбани Марат Бикмаев бехато ижро этди.

86-дақиқада «темирйўлчилар» яна бир пенальти ишлаб олишди. Бу вазиятда Анвар Ғофуров Бикмаевга нисбатан қўпол ўйнади деб топган ҳакам 11-метрли нуқтага ишора қилди.

Зарбани эса бу сафар ҳам Марат бехато ижро этиб, ҳисобни жамоаси фойдасига ўзгартирди.

Шу тариқа, «Локомотив» қийин кечган баҳсда «Бунёдкор»дан уч очко олишга муваффақ бўлди.

СУПЕРЛИГА. 8-ТУР

«БУНЁДКОР» – «ЛОКОМОТИВ» - 1:2 (0:0)

Тошкент. «Бунёдкор» стадиони. 19450 томошабин.

Ҳакамлар: А.Рисқуллаев (Тошкент), Р.Серазетдинов (Тошкент), А.Усмонов (Тошкент), С.Абдураҳмонов (Тошкент).

Голлар: Мурод Тошматов (59) – Марат Бикмаев (70-пенальти, 86-пенальти).

Бунёдкор: Мурод Зуҳуров, Рустам Ашурматов, Акрам Комилов, Анвар Ғофуров, Жавлон Иброҳимов, Мурод Тошматов (Фаррух Икромов, 74), Сардор Собирхўжаев, Мирғиёс Сулаймонов, Хуршид Ғиёсов, Миржамол Қосимов (Даврон Умиров, 57), Филип Раевац (Шаҳзод Нурматов, 62).

Локомотив: Игнатий Нестеров, Кахи Махарадзе, Марат Бикмаев (Бобур Юлдошев, 89), Сардор Мирзаев, Хусниддин Ғофуров (Садриддин Абдуллаев, 68), Ислом Тўхтахўжаев, Санжар Шоаҳмедов, Сардор Рашидов, Шуҳрат Муҳаммадиев, Олег Зотеев, Игор Йелич.

Четлатишлар: Рустам Ашурматов (70), Жавлон Иброҳимов (85).

Назоратчи: Б.Тоғаев (Тошкент).

Комиссар: М.Саидқосимов.