«Реал» клуби ва Португалия термаси ҳужумчиси Криштиану Роналдунинг дўстларидан бири футболчи ҳамон россиялик модель Ирина Шейкни севишини айтди.

Бу жуфтликнинг йўли уч йил аввал айро тушган, бунга қадар беш йил мобайнида аҳил-тотув яшашганди.

Роналдунинг дўсти айтган гапларга ишонсак, футболчи Шейкни Голливуд актёри Брэдли Купердан рашк қилган.

Ушбу воқеа сабаб «СЭ» нашри Роналдунинг собиқ қаллиқлари ҳақида сўз юритишга қарор қилди. Биз ушбу рўйхатни фотогалерея тарзида ҳукмингизга ҳавола этамиз.

ЖОРЖИНА РОДРИГЕС (Роналдунинг ҳозирги қаллиғи)

Испаниялик модель Жоржина Родригес 2016 йилнинг ноябридан буён Криштиану билан бирга. Ўтган йилнинг ноябрида ушбу жуфтлик қиз фарзандли бўлишди ва унга Алана Мартина деб исм қўйишди.

ЖОРДАНА ЖАРДЕЛ

2002 йили бразилиялик футболчи Марио Жарделнинг кенжа синглиси расман Роналдунинг илк қаллиғи бўлган. Бу жуфтлик бор-йўғи бир йил учрашиб юришди.

ДИАНА ЧАВЕС

Португалиялик актриса ва фотомодель Роналду билан 2006 йили танишган.

РАФАЭЛЛА ФИКО

Италиялик модель 2009 йили Криштианунинг қаллиғи бўлган, аммо жуфтликнинг муносабатлари олти ой давом этган, холос.

МЕРШЕ РОМЕРО

Португалиялик модель ва маҳаллий телевидение бошловчиси. 2006 йили топишган жуфтликнинг йўли олти ойда айро тушди.

КАРИНА БАЧЧИ

Бразилиялик модель ва актриса 2010 йили Роналдуга ҳамроҳлик қилган.

НИККИ ГАЗИАН

Америкалик модель 2008 йили Криштиану билан топишган.

ЭЛИС ГУДВИН

Британиялик модель, машҳур футболчи Жермейн Пеннантнинг собиқ рафиқаси. 2009 йили матбуотда унинг Роналду билан муносабатлари яқинлиги ҳақида ёзилган.

ПЭРИС ХИЛТОН

ОАВ маълумотига кўра, Роналду 2009 йили америкалик актриса, хонанда ва моделнинг ошиғи бўлган.

ИРИНА ШЕЙК

Криштианунинг энг узоқ давом этган ишқий саргузаштлари айнан россиялик модель ва актриса билан боғлиқ. Бу жуфтлик 2010 йилдан 2015 йилгача ажралмаган.

ЛУСИЯ ВИЛЛАЛОН

Журналист, Мадриднинг «Реал» клуби каналини юритади.

Абдуллохон ИСРОИЛХОНОВ тайёрлади