“Қўқон-1912” – “Бунёдкор” учрашувидан кейинги матбуот анжуманининг биринчи қисмида меҳмонлар устози Миржалол Қосимов ва Ислом Қобиловлар иштирок этишди.
Миржалол Қосимов: Аввало, “Қўқон-1912” жамоасини ғалаба билан табриклайман. Бугунги ўйин курашларга бой ва мухлисларбоп бўлди. Бугунги ўйинга яхши ниятлар билан келгандик. Ғалаба қозониш учун ҳаракат қилдик. Аммо юзага келган вазиятлардан фойдалана олмадик. Дуранг бизни қониқтирмаслиги боис ҳужумга зўр бердик. Мағлубиятга учраган бўлсак-да, ишлашда давом этамиз.
Ислом Қобилов: Мурабиймиз айтгандек, мухлисларбоп ўйин бўлди. Вазиятлардан фойдалана олмадик. Футболда шундай сен урмасанг-сенга уришади. Ҳимоядаги биргина хато қимматга тушди.

***

“Қўқон-1912” – “Бунёдкор” учрашувидан кейинги матбуот анжуманининг иккинчи қисмида жамоамиз устози Нўъмон Ҳасанов ва бугунги ўйин қаҳрамони Носир Отақўзиевлар қатнашишди.
Нўъмон Ҳасанов: – Ўйин олдидан футболчиларимизга катта босим бўлди. Олдинги ўйинларларда кетма-кет дуранг ўйнагандик. Шунинг учун ғалаба бизга жуда зарур эди. Шунга яраша тайёргарлик кўрдик. Ҳар иккала жамоада ҳам вазиятлар бўлди. Биз кучли иштиёқ эвазига ғалаба қозондик. Бугунги баҳсда борларини бериб ўйнаган футболчиларимизга ва бизни тинимсиз қўллаб-қувватлаб турган мухлисларимизга миннатдорчилик билдираман.
Носир Отақўзиев: – Бугунги ғалаба билан барча мухлисларимизни табриклайман. Ушбу баҳсга жиддий тайёргарлик кўргандик. Бугун Қўқон ҳалқига ҳақиқий байрам тақдим этганимиздан хурсандмиз. Кейинги ўйинларда яхши натижа кўрсатишга ҳаракат қиламиз.