Суперлига ўйинларига бўлган қизиқишнинг ортиб бораётгани, мухлисларнинг стадионларга ташрифида ижобий ўзгаришлар юзага келаётганидан келиб чиқиб, ЎФА ҳамда ПФЛ раҳбарияти 10-тур учрашувлари учун 12 та iPhone 8 смартфонини тайёрлаб қўйди. Мазкур смартфонлар 10-тур беллашувларига ташриф буюрган футбол мухлисларига насиб этиши кўзда тутилган. Ғолиблар лотерея орқали аниқланади. Шу куни “Бунёдкор”, “Нефтчи”, АГМК, “Қизилқум”, “Пахтакор” ва “Бухоро” стадионларининг ҳар бирида ютуқ учун 2 тадан смартфон бўлади.
Футбол клубларининг ўйин учун чиқарган чипталари барча талабларга жавоб бериб, унда рақамларни алоҳида қирқиб олишнинг имкони бўлса, ютуқлар бахтли чипта эгасига насиб қилади. Агар чипталар бундай талабларга жавоб бермаса, у ҳолда ПФЛ ҳамда клуб вакили смартфон эгасини қуйидаги шарт бўйича топади.
Стадионда мухлислар ҳозир бўлган барча секторлар номи ёзилган қозоғчалар саватга ташланади. Холис одам саватдан қоғозни тортиб, секторни аниқлаб беради. Демак, фақатгина шу секторда ўтирган мухлисларда смартфонни қўлга киритиш имконияти сақланиб қолади. Кейинроқ пастдан тепага қаторлар санаб олинади ва саватдан қатор рақами тортилади. Ғолиб бўлиш имкониятини фақат шу қатор эгалари сақлаб қолади. Энг сўнгида эса битта қаторда ўтирган мухлислар чапдан ўнгга санаб олиниб, яна бир марта рақам тортилади. Ғолибга соврин ўша секторнинг ўзида топширилади. Иккинчи смартфон эгаси ҳам шу тариқа аниқлаб олинади.
ПФЛ келаси мавсумдан бошлаб Суперлига ўйинларига чиқариладиган чипталар масаласи, секторларнинг номланиши, ўриндиқларнинг рақамларига жиддий эътибор беради. Бу эса ютуқли ўйинларни ўтказишда қўшимча қулайликлар яратади.
Қуйида 10-тур учрашувлари вақти келтириб ўтилган. Барча футбол мухлисларини беллашувларни стадиондан туриб томоша қилишга таклиф этиб қоламиз.
Суперлигаси
10-тур
4 май (жума)
18:00 “Бунёдкор” — “Насаф” (жонли)
18:00 “Нефтчи” — “Локомотив” (ёзиб олинади)
5 май (шанба)
18:30 АГМК — “Сўғдиёна”
20:30 “Қизилқум” — “Металлург”
6 май (якшанба)
18:00 “Пахтакор” — “Қўқон-1912”
20:00 “Бухоро” — “Навбаҳор”
Манба: pfl.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20