Англиянинг «Манчестер Юнайтед» клуби ярим ҳимоячиси Маруан Феллайни клуб унга янги шартномани эртароқ таклиф этмасдан, нотўғри иш тутганини таъкидлади.

«Бутун клуб вакиллари менинг қолишим учун ҳаракат қилишмоқда. Клуб ўтган йили мен билан келишувни узайтирмаган эди. Эндиликда эса мен яхши вазиятдаман, айниқса Моуриньонинг мени сақлаб қолиш истаги ҳақида фикридан сўнг.

Ўтган йили мен мураббийнинг олдига келиб янги шартнома кераклигини айтган эдим. Сўнгра иккинчи маротаба, аммо мен бу ҳақида 10 маротаба талаб қилиш истагида эмасман.

Охир оқибат, мен клуб учун керакли бўлиб қолдим... яхши футболчи эса камида 50 миллион евро туради. Клуб мен билан нотўғри муносабатда бўлганини билади.

Хитой? Ўйлаб кўриш керак. Мени Хитойдаги ҳаёт қўрқитмайди. Мен янги жойларни ўрганишни ҳуш кўраман. У ерга бир ўзим кетмайман, оилам ҳар доим мен билан» - дейди Феллайни.

Феллайни якшанба куни «Арсенал» жамоасига қарши ўйинда ғалаба тўпини киритганидан сўнг, бош мураббий Жозе Моуриньо Маруан билан янги шартнома борасида музокара олдинга силжилаганини айтди. Маруаннинг амалдаги шартномаси ушбу мавсум охирида якунига етади.