Мадриднинг «Атлетико» клуби бош мураббийи Диего Симеоне Европа лигаси ярим финали доирасидаги «Арсенал»га қарши жавоб ўйинидан сўнг ўз фикрлари билан ўртоқлашди.

«Бир йўналиш бўйича ҳаракат қилмоқдамиз ва ҳаммаси яхши кечмоқда. Шу тариқа давом этиб примерода иккинчи бўлиш истагидамиз.

Финалга йўл олганимиздан жуда ҳам хурсандмиз. Жамоа ўтган ҳафта ўзини яхши кўрсатган эди, Облак ҳам ажойиб ўйин ўтказди. Ўзи шундай ҳам бўлади, чунки буюк футболчилар ўзини муҳим ўйинларда кўрсатишади.

«Арсенал»нинг ҳужумларини тўхтатмоқчи эдик, ўйлайманки бу иш билан яхши уддаладик. Люка Эрнандес Озил билан бирга ўйнади ва унга имконият бермади, Томас Патри эса ҳимояга чуқурроқ киришиб, Уэлбекка босим ўтказди.

Витоло жамоага келиб қўшилганидан буён яхши ўйнамоқда. Ҳамма уни яхши кутиб олди. Гризманн ва Облак жамоага кўникиб кетиши учун ойлаб вақт кетган эди.

Бундай ўйинларда тарих ёзилади, стадионлар эса қалъа бўлиши лозим. Бугун мухлислар биз билан бирга эди, ҳар бир қадамда биз билан ҳаракат қилишди» - дейди Симеоне.