Суперлига 10-тури дорасидаги сўнгги баҳс ўз поёнига етди. Бухорода кечган «Бухоро» - «Навбаҳор» учрашуви наманганликларнинг минимал ҳисобдаги ғалабаси билан якунланди.

Учрашув бошини меҳмонлар ҳужумкор тарзда бошлашди ва 10-дақиқага келиб «лочинлар» ҳимоячиси Мирзоҳид Ғофуров енгил зарба билан тўпни дарвозабон устидан ошириб қўйган ҳолда ҳисобни очди.

Мазкур голдан сўнг табиийки, мезбонлар ўйин тизгинини секин-аста қўлларига олиб, ҳужумлар сонини оширишди. «Навбаҳор» эса мудофаани кучайритган ҳолда асосий эътиборини қарши ҳужумларга қаратди. Биринчи бўлим шу асонада ўз поёнига етди.

Иккинчи бўлимда «Бухоро» ҳужумлар сонини янада оширди, бироқ ҳар қанча уринишмасин «лочинлар» ҳимояси бугун шунчалик ишонли ҳаракат қилдики, ҳаттоки биттагина жиддий хатолик ҳам бўлмади дейиш мумкин.

Шу тариқа «Навбаҳор» қийин баҳсда ҳисобидаги очколари сонини 3тага ошириб олди.

СУПЕРЛИГА. 10-ТУР

«БУХОРО» – «НАВБАҲОР» - 0:1 (0:1)

Ҳакамлар: А.Рисқуллаев (Тошкент), Т.Галеев (Тошкент), А.Сидоров (Тошкент), А.Худойберганов (Тошкент).

Гол: Мирзоҳид Ғофуров (10.

Бухоро: Асилбек Омонов, Арслонмурод Омонов, Саламат Қутибоев, Шавкат Саломов, Санъат Шихов, Баҳодир Насимов, Артём Филипосян, Шавкат Муллажонов, Эргаш Исмоилов (Жавоҳир Қаҳрамонов, 46), Азиз Ибрагимов (Шаҳбоз Эркинов, 55), Сергей Русецкий.

Навбаҳор: Акбар Тўраев, Остон Ўрунов, Аюбхон Нўъмонов, Дилшод Жабборов, Азизбек Турғунбоев, Зоҳир Пиримов, Сардор Сулаймонов (Дарко Станоевич, 58), Мирзоҳид Ғофуров, Аъзам Алиев, Жаҳонгир Меҳмонов, Томислав Пайович.