Қайднома

Қидирув

Тарихдаги энг сермаҳсул ярим финал ёхуд ЕЧЛ фактлари

Тарихдаги энг сермаҳсул ярим финал ёхуд ЕЧЛ фактлари

  08.05.2018 00:19
  0
  1752
Тарихдаги энг сермаҳсул ярим финал ёхуд ЕЧЛ фактлари

Хабарингиз бор, ўтган ҳафта энг севимли турнирлардан бири – Европа чемпионлар лигаси навбатдаги мавсумининг финалчилари аниқлашди.

Унга кўра кетма-кет учинчи марта финалга йўл олган Мадриднинг «Реал» клуби бу сафар «Ливерпуль»ни имтиҳондан ўтказадиган бўлди.

Бугун эътиборингизга ярим финалда қайд этилган эътиборга молий кўрсартгичларни келтириб ўтмоқчимиз. Диққат қилинг бунақаси ЕЧЛда олдин бўлмаган...

   «Рома» ва «Ливерпуль» қарама-қаршилигида самарадорлик бўйича ЧЛ тарихидаги ярим финаллар рекорди қайд этилди - 2та ўйинда 13та гол. Эслатма, 24 апрель куни Ливерпулда кечган биринчи баҳсда мезбонлар 5:2 ҳисобида устун келишганди.

  «Ливерпуль» ЧЛнинг битта мавсумида кўп гол уриш бобида ажойиб кўрсаткичга эришди - 14та ўйинда 46та. Умуман, бу натижа нафақат ЧЛ, балки барча еврокубок турнирлари учун мутлақ рекорддир. Бунга қадар самарадорлик бўйича энг юқори кўрсаткич «Барселона»га тегишли эди - каталонияликлар ЧЛ-1999|2000 доирасидаги 16та ўйинда 45та гол уришганди.

  «Ливерпуль» ҳужумчиси Садио Мане жорий турнирдаги голлари сонини 9тага етказди. Унинг ҳужумдаги шериклари - Роберто Фирмино ва Муҳаммад Салоҳ ҳисобида 10тадан гол бор. Хуллас, «Ливерпул»нинг ҳужумкор триоси сермаҳсуллик бобида ЧЛнинг янги рекордчисига айланди - жами 29та гол.

28та голга тенг аввалги рекорд «Реал»даги учлик (Криштиану Роналду, Карим Бензема ва Гарет Бэйл) томонидан мавсум-2013|2014да қайд этилганди.

  «Рома» жорий мавсум «Ливерпул»ни мағлубиятга учратган биринчи жамоа бўлди. Юрген Клопп дружинаси Римдаги ўйинга қадар турнир доирасида 13 марта майдонга тушиб, 9та ғалаба ва 4та дуранг қайд қилганди.

  «Реал» кетма-кет 3 марта турнир финалига чиққан учинчи жамоа бўлди. Мадридликлардан олдин «Милан» (1993-1995 йиллар) ва «Ювентус» (1996-1998 йиллар) клублари шундай натижага эришганди. Қолаверса, «Реал» охирги 5та мавсумнинг 4тасида ҳал қилувчи баҳсга йўл олгани билан мақтаниши мумкин.

Чемпионлар кубоги даврида «Аякс» (1969-1971, 1972-1973 йиллар) ҳам худди шундай натижага эришганди. Умуман, «Қироллик клуби» Киевда турнирнинг янги тарихи (1992 йилдан буён)да 7-марта финал иштирокчисига айланади. «Милан» ва «Ювентус» клублари эса ҳал қилувчи баҳсда 6 мартадан ўйнаган.

  «Бавария» шу билан ЧЛ «плей-офф» босқичларида қаторасига 5-марта испан жамоаларига йўл бўшатди. Мюнхен клуби 2014 йили ҳам ярим финалда айнан «Реал»га бас келолмаганди, кейин тегишлича «Барселона» ва «Атлетико» олдида ожиз қолди.

  «Реал» етакчиси Криштиану Роналду фаолияти давомида 6-марта финалга йўл олди. 33 ёшли португалиялик юлдуз бунга қадар мадридликлар сафида 3 марта финал юзини кўрганди. Қолган 2та финалда эса «МЮ» шарафини ҳимоя қилган.

Қисқаси, Роналду турнирнинг янги тарихида финалга кўп чиқиш бўйича «Милан»нинг собиқ сардори қайд этган рекордни такрорлади. ЧК|ЧЛни умумлаштирган ҳолда айтсак, португалиялик футболчи бу борада фақат 3 киши (Мальдини ва Хенто - 8тадан финал, ди Стефано - 7та финал)дан ортда қолмоқда.

  «Реал» дарвозабони Кейлор Навас «Бавария»га қарши жавоб баҳсида 8 марта «сэйв» кўрсатди. Бу «Қироллик клуби» учун охирги 10 йилликда ЧЛ ўйинларида кузатилган энг юқори кўрсаткичдир. Яъни шунча вақт давомида «Реал»нинг бирор кипери 1та учрашувда Коста-Рика термаси вакиличалик кўп «сэйв» амалга оширмаганди.

  «Реал» бош мураббийи сифатидаги ишини 2016 йилнинг 4 январида бошлаган Зайниддин Зидан турнирнинг ортда қолган 9та «плей-офф» тўқнашувидан бирортасини бой бермади. Умуман, 45 ёшли франциялик мутахассис «Реал»ни ЧК|ЧЛ финалига 3 марта етаклаган биринчи мураббийдир.

  «Реал» футболчилари биринчи гол урилган вазиятда тўпни бир-бирларига нақ 28 марта узатишди. Хуллас, Карим Бензема 28-«пас»­дан кейин рақиб дарвозасини нишонга олди. Бу жорий мавсум 1та гол йўлидаги «пас»лар сони бўйича иккинчи яхши натижадир. «Барселона» ва «Олимпиакос» ўртасидаги ўйинда Люка Динь 29-узатмадан ке-йин гол урганди.

  «Реал» Карим Бенземанинг 2та аниқ зарбаси эвазига еврокубокларда ўз майдонидаги голли сериясини 42та ўйинга етказди. Бу 1961-1984 йиллар оралиғида «Тоттенхэм» томонидан қайд этилган рекорднинг такрорланишидир. Қизиғи, «шпорлар» серияси 1985 йили мартда айнан «Реал»га қарши кечган учрашувда узилганди - 0:1.

  «Реал» тўпурари Криштиану Роналду ЧЛда 152-марта майдонга тушиб, турнир гвардиячилари рўйхатида «Барселона фахри Хави (151та)­-дан ўзиб кетди ва майдон ўйинчилари орасида 1-ўринга кўтарилди.

Гвардиячиларнинг умумий рўйхатида «Реал»нинг собиқ дарвозабони Икер Касильяс пешқадамлик қилмоқда. Айни пайт «Порту» шарафини ҳимоя қилаётган кипер ҳисобида 167та ўйин бор.

ЭНГ СЕРМАҲСУЛ ЯРИМ ФИНАЛ

Жорий мавсум турнир тарихидаги энг сермаҳсул ярим финал босқичини тақдим этди. Қуйида янги асрдаги ярим финалларда қайд этилган кўрсаткичларни ўзаро солиштириб кўришингиз мумкин.

Мавсум-2000|2001: «Реал» - «Бавария» - 0:1 ва 1:2; «Лидс» - «Валенсия» - 0:0 ва  0:3

4та ўйиндаги жами гол: 7та

1та ўйинда ўртача: 1,75та

--------------------------------------------

Мавсум-2001|2002: «Барселона» - «Реал» - 0:2 ва 1:1; «МЮ» - «Байер» - 2:2 ва 1:1

4та ўйиндаги жами гол: 10та

1та ўйинда ўртача: 2,5та

--------------------------------------------

Мавсум-2002|2003: «Реал» - «Ювентус» - 2:1 ва 1:3; «Милан» - «Интер» - 0:0 ва  1:1

4та ўйиндаги жами гол: 9та

1та ўйинда ўртача: 2,25та

--------------------------------------------

Мавсум-2003|2004: «Монако» - «Челси» - 3:1 ва 2:2; «Порту» - «Депортиво» - 0:0 ва 1:0

4та ўйиндаги жами гол: 9та

1та ўйинда ўртача: 2,25

--------------------------------------------

Мавсум-2004|2005: «Милан» - ПСВ - 2:0 ва 1:3; «Челси» - «Ливерпуль» - 0:0 ва 0:1

4та ўйиндаги жами гол: 7та

1та ўйинда ўртача: 1,75та

--------------------------------------------

Мавсум-2005|2006: «Милан» - «Барселона» - 0:1 ва 0:0; «Арсенал» - «Вильярреал» - 1:0 ва 0:0

4та ўйиндаги жами гол: 2та

1та ўйинда ўртача: 0,5та

--------------------------------------------

Мавсум-2006|2007: «МЮ» - «Милан» - 3:2 ва 0:3; «Челси» - «Ливерпуль» - 1:0 ва 0:1 (пен. - 1:4)

4та ўйиндаги жами гол: 10та

1та ўйинда ўртача: 2,5

--------------------------------------------

Мавсум-2007|2008: «Барселона» - «МЮ» - 0:0 ва 0:1; «Ливерпуль» - «Челси» - 1:1 ва 2:3 (қўш. вақт)

4та ўйиндаги жами гол: 8та

1та ўйинда ўртача: 2та

--------------------------------------------

Мавсум-2008|2009: «МЮ» - «Арсенал» - 1:0 ва 3:1; «Барселона» - «Челси» - 0:0 ва 1:1

4та ўйиндаги жами гол: 7та

1та ўйинда ўртача: 1,75та

Мавсум-2009|2010: «Бавария» - «Лион» - 1:0 ва 3:0; «Интер» - «Барселона» - 3:1 ва 0:1

4та ўйиндаги жами гол: 9та

1та ўйинда ўртача: 2,25та

--------------------------------------------

Мавсум-2010|2011:  «Шальке» - «МЮ» - 0:2 ва 1:4; «Реал» - «Барселона» - 0:2 ва 1:1

4та ўйиндаги жами гол: 11та

1та ўйинда ўртача: 2,75та

--------------------------------------------

Мавсум-2011|2012: «Бавария» - «Реал» - 2:1 ва 1:2 (пен. - 3:1); «Челси» - «Барселона» - 1:0 ва 2:2

4та ўйиндаги жами гол: 11та

1та ўйинда ўртача: 2,75та

--------------------------------------------

Мавсум-2012|2013: «Бавария» - «Барселона» - 4:0 ва 3:0; «Борус-сия» Д. - «Реал» - 4:1 ва 0:2

4та ўйиндаги жами гол: 14та

1та ўйинда ўртача: 3,5та

--------------------------------------------

Мавсум-2013|2014: «Реал» - «Бавария» - 1:0 ва 4:0; «Атлетико» - «Челси» - 0:0 ва 3:1

4та ўйиндаги жами гол: 9та

1та ўйинда ўртача: 2,25та

--------------------------------------------

Мавсум-2014|2015: «Барселона» - «Бавария» - 3:0 ва 2:3; «Ювентус» - «Реал» - 2:1 ва 1:1

4та ўйиндаги жами гол: 13та

1та ўйинда ўртача: 3,25

--------------------------------------------

Мавсум-2015|2016: «Атлетико» - «Бавария» - 1:0 ва 1:2; «Манчестер Сити» - «Реал» - 0:0 ва 0:1

4та ўйиндаги жами гол: 5та

1та ўйинда ўртача: 1,25

--------------------------------------------

Мавсум-2016|2017: «Реал» - «Атлетико» - 3:0 ва 1:2; «Монако» - «Ювентус» - 0:2 ва 1:2

4та ўйиндаги жами гол: 11та

1та ўйинда ўртача: 2,75та

--------------------------------------------

Мавсум-2017|2018: «Ливерпуль» - «Рома» - 5:2 ва 2:4; «Бавария» - «Реал» - 1:2 ва 2:2

4та ўйиндаги жами гол: 20та

1та ўйинда ўртача: 4та

А.Исроилхонов тайёрлади


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

«ИНТЕРФУТБОЛ» газетасининг 25-сентябрдаги сешанба сони

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz