Италиянинг «Милан» клуби бош мураббийи Женнаро Гаттузо Италия кубоги финалида «Ювентус» жамоасидан қабул қилинган мағлубиятга (0:4) изоҳ бериб ўтди.

«Футбол шундай ўйин – натижа ўйинни кўрсатиб бермайди, лекин хатолар учун товон тўлаш лозим. 56 дақиқа биз нима қилиш керак бўлса шуни амалга оширдик. «Ювентус» Манжукичнинг боши билан берган зарбасидан ташқари бизга умуман муаммо туғдирмаган эди.

Бироқ биз бўлган воқеани қабул қилишимиз керак. «Милан»нинг ўзи хатоларга йўл қўйди. Ва биз буни қабул қилишга мажбурмиз.

Мен ёш мураббийман, ўрганяпман. Мен хатоларга йўл қўймоқдаман ва қаерда «қовун туширганимизни» англашимиз ва янада яхшироқ ўйнашимиз керак. 0:4 ҳисобига қараш керак эмас, жамоанинг қай тарзда мағлуб бўлгани ва ўсиш учун нима қилиш мумкинлигига эътибор бериш қаратиш лозим.

Биз бу ерга 40 минг мухлис йиғиб шундай натижа қайд этганимиз ноқулай албатта. Бу оғриқ туйғу бўлди.

Бизнинг олдимизда «Милан»дан формаси анча яхши бўлган икки жамоа билан ўйинлар қолди. Бугунгидан кўра ишончлироқ ўйинимиз билан Европа лигасига чиқиш учун ҳаракат қилиш лозим», - дейди Гаттузо.