Англиянинг “Манчестер Юнайтед” клуби бош мураббийи Жозе Моуриньо “Вест Хэм”га қарши учрашувдаги дурангдан сўнг жамоасининг жорий мавсумда турнир жадвалидаги ўрни ҳақида гапирди.

“Олтита кучли жамоа чемпионлик учун курашалиган премьер-лигани 2-ўринда якунладик. Мавсумдан тўлиқ қониқдим деб айта олмайман. Бу менинг табиатимга тўғри келадиган натижа бўлмади.

Ҳа, чемпион бўла олмаслигимизни тушунганимиздан кейин, ўз олдимизга 2-ўринни олиш вазифасини қўйган эдик ва шу ишни уддаладик.

Бугунги ўйин учун футболчиларни танқид қилмоқчи эмасман. «Брайтон» билан кечган баҳс танаффусида йигитларга ўша куни мағлуб бўлишимизни олдиндан айтган эдим.

Бугун эса ғалаба қозониш ҳақида гапирдим. Тактик режаларда хатога йўл қўйганимни тан оламан, аммо 80-дақиқадан кейин 2-ўринни олиш учун 1 очко етишини сезиб, кўпроқ ҳимоя ҳақида ўйлашимизни футболчиларга етказдим.

Энди кейинги ўйинда ғалаба қозониб, очколарни 81тага етказишимиз керак. Майкл Кэррик «Олд Траффорд»даги сўнгги ўйинда жамоа сардори бўлади, Де Хеага эса дам бераман. Унинг ўрнини Ромеро тўлдиради”, – деди Моуриньо.