«Ювентус» бош мураббийи Массимилиано Аллегри Италия чемпионати якунланганидан сўнг раҳбарият билан келажаги ҳақида гаплашиб олади. 50 ёшли мутахассис «Ювентус» президенти Андреа Аньелли билан илиқ муносабатда. Бундан ташқари, директор Беппе Маротта билан ҳам яхши тил топиша олган. Маълумотларга кўра, туринликлар Аллегрининг ўзи клубдан кетишни истаса, уни қўйиб юборишади. Мураббийнинг амалдаги шартномаси 2019 йилда ниҳоясига етади. Ҳозирда Аллегри Луис Энрике билан бирга «Арсенал»ни бошқариши мумкин бўлган номзодлар қаторидан жой олган. Лекин ҳар икки мутахассис ҳам Лондон клуби ички структурасига шубҳа билан қарашмоқда.

«Ювентус» бош директори Жузеппе Маротта жамоа устози Массимилиано Аллегрининг келажаги борасида гапириб ўтди. «Аллегри билан муносабатларимиз яхши. Италия чемпионлиги қўлга киритилганидан сўнг унинг келажаги борасида гаплашиб оламиз. Ишонаманки, Массимилиано биз билан ҳамкорликни давом эттиради», - деди Маротта. Аллегри «Ювен-тус»ни 2014 йилдан буён бошқармоқда. У жамоа билан уч марта Италия чемпионлиги ва мамлакат кубогини қўлга киритди, икки марта Чемпионлар Лигаси финалига чиқди.

Айтганча, «Ювентус» ҳимоячиси Штефан Лихтштайнер фаолиятини Германияда давом эттириши мумкин. Calciomercatoнинг хабар беришича, унга Дортмунднинг «Боруссия» клуби қизиқиш билдирмоқда. Дортмундликлар футболчининг акаси ва агенти билан июль ойида шартнома имзолаш бўйича келишиб олишган.