Pepsi Суперлига 11-тури доирасидаги «Насаф» ҳамда «Пахтакор» ўртасидаги учрашувдан сўнг «шерлар» устози Шота Арвеладзе ва ярим ҳимоячи Жалолиддин Машарипов ўйин ҳақида фикрлари билан ўртоқлашди.

Арвеладзе: - Ўйиндан аввал бу ерда ёрқин футбол бўлиши ҳақида айтгандим. Яхши майдон, ажойиб муҳит ва тажрибали мураббийга эга рақиб. Биринчи даврани ғалаба билан тугатганимиздан хурсандман.

Ўйин тезкор голлар билан бошланди. Бутун учрашувни хотиржам ўтказдик, беллашувни назорат қилдик.

Биринчи бўлим охиригача ҳисобни тенглаштирганимиз яхши бўлди. Иккинчи бўлимда кўплар имкониятлар яратдик.

Машарипов: - Бундай ўйинни кўпчилик соғинганди. Ҳар икки жамоа ҳужумкор ва чиройли футбол намойиш қилди. Мухлисларга бу ёқди деб ўйлайман. "Насаф" ҳар қандай жамоага жиддий қаршилик кўрсатади. Бугун кўпроқ ғалаба қозонишни хоҳладик ва буни уддаладик.

Арвеладзе: - Бундай ҳужумкор ўйинларда жамоалар турлича ҳаракат қилади. Баъзида биз ҳам қарши ҳужумларда ўйнай олишимизни кўрсатдик.

Мавсум узоқ ва ҳар бир ўйинчида имконият бўлади. Сайфиев ҳар икки қанотда ҳаракат қила олади. Уни яхши савиядаги футболчи деб ҳисоблайман ва унинг жамоамда эканидан хурсандман.

Искандеров биз учун қадрли ўйинчи. Захирадан тушиб уч очко келтирган тўп оширилишини уддалади.

Машарипов: - "Пахтакор" мен учун уйдек бўлиб қолган. Шу сабабли қадрдон жамоам сафига қайтдим. Бу ерда ўзимни жуда қулай ҳис қиламан. Ёшлигимдан клуб академиясида катта бўлганман. Ўйнаш ва муҳит менга бу ерда жуда қулай