"Бунёдкор" бош мураббийи Миржалол Қосимов Ўзбекистон кубоги доирасидаги "Сўғдиёна"га қарши ўйиндан кейин ўз фикрлари билан ўртоқлашди.

- Энг муҳими, керакли натижага эришдик ва кейинги босқичга йўл олдик. Айни пайтда осон ўйинларни ўзи йўқ. Бугун рамазон ойи бўлишига қарамасдан стадионга ташриф буюрган мухлисларга ўз миннатдорчилигимни билдираман. Чунки рузадорларга футбол келиш осон эмас. Агарда бугун озгина бўлсада уларни кайфиятини кўтара олган бўлсак, унда мен бахтиёрман.

- Трансфер ойнаси очилгач жамоанинг бир қатор футболчилари кетиб қолиш эҳтимоли мавжуд...
- Бу нормал ҳолат. Авваллари таъкидлаганимдек, агарда яхши таклиф тушадиган бўлса, унда бир футболчини сотиб юбориш эвазига жамоани сақлаб қоламиз. Трансфер - футболнинг бир бўлаги. Бутун дунёда бўладиган одатий жараён. Футболда трансферлар, қайсидир футболчини кетиб қолиши аввал ҳам бўлган ва бундан кейин ҳам шундайлигича қолади. Буни тўғри қабул қилиш лозим.

- Узун қулоқ гапларга қараганда, келаси йили "Бунёдкор" жамоаси фаолият юритиши сўроқ остида экан...
- Тўғрисини айтадиган бўлсам, эртага нима бўлишини Худо билади. Яхши ният қилиб қоламиз. Шундай жамоа, ажойиб мажмуа, неча юзлаб инсонларнинг меҳнати синаётган ушбу коллектив, ёш болакайлар таҳсил олаётган академия. Чин дилдан "Бунёдкор" клубининг умри узоқ бўлишини ният қилиб қоламан.