Эртадан Pepsi Суперлига 15-тур ўйинларига старт берилди. Жамоамиз эртага Наманганда “Навбаҳор” меҳмони бўлади. Водий дербисига оид статистик маълумотларни тақдим этамиз.

Ўзаро ўйинлар

“Қўқон-1912” ҳамда “Навбаҳор” клублари шу кунгача 25 бор куч синашишган. 6 та учрашувда “Қўқон-1912”нинг қўли баланд келган. “Навбаҳор” 15 та ўйинда ғалаба қозонган. 4 та ўйинда дуранг қайд этилган. Тўплар нисбатида устунлик “лочинлар” томонида: 50-28. “Навбаҳор” ўзаро ўйинларда 49 очкога эга бўлган, “Қўқон-1912” эса 22 очкони қўлга киритган.

Наманганда ўтган сўнгги учрашувлар:

1992 йил

"Навбаҳор" – "Қўқон-1912" - 2:0

1993 йил

"Навбаҳор" – "Қўқон-1912" – 2:1

1994 йил

"Навбаҳор" - "Қўқон-1912" 1:0

1995 йил

"Навбаҳор" - "Қўқон-1912" 1:0

1995 йил

"Навбаҳор" - "Қўқон-1912" 4:1

1998 йил

"Навбаҳор" - "Қўқон-1912" 4:2

1999 йил

"Навбаҳор" – "Қўқон-1912" – 2:1

2000 йил

"Навбаҳор" – "Темирйўлчи" - 5:4

2002 йил

"Навбаҳор" – "Қўқон-1912" - 2:0

2003 йил

"Навбаҳор" – "Қўқон-1912" - 5:1

2015 йил

"Навбаҳор" – "Қўқон-1912" – 2:1

2016 йил

"Навбаҳор" – "Қўқон-1912" - 5:1

2017 йил

"Навбаҳор" – "Қўқон-1912" - 1:1

Эски танишларнинг бешинчи тўқнашуви

Ушбу баҳсда эски танишлар – “Қўқон-1912” бош мураббийи Нўъмон Ҳасанов ва “Навбаҳор” устози Илҳом Мўминжоновларнинг навбатдаги тўқнашувига гувоҳ бўламиз.

Мўминжонов “Навбаҳор”ни қабул қилиб олганидан бери “Қўқон-1912”ни мағлубиятга учрата олгани йўқ.

Ўтказилган ўйинларнинг иккитасида дуранг қайд этилган иккита учрашувда "Қўқон-1912"нинг қўли баланд келган.

Ҳакамлар

Якшанба куни Наманганда бўлиб ўтадиган “Навбаҳор” – “Қўқон-1912” учрашувини Азиз Асимов бошчилигидаги ҳакамлар бошқариб борадиган бўлишди.

PEPSI СУПЕРЛИГА. 15-ТУР

10 июнь (якшанба)

“НАВБАҲОР” – “ҚЎҚОН-1912”

Ҳакамлар: А.Асимов, Р.Шояхметов, А.Калинин, Д.Каримов.

Назоратчи – Н. Лутфуллин.

Комиссар – Л. Қўчқоров.

Бошланиш вақтлари

Мазкур учрашув 10 июнь куни Намангандаги “Марказий” стадионда соат 19:02да старт олади. Бугун эса Тўрақўрғондаги “Ёшлик” ўйингоҳида ушбу жамоаларнинг ўринбосарлари майдонга тушишади. Учрашув соат 17:30да бошланади.