«Атлетико» ҳужумчиси Антуан Гризманн кейинги фаолияти давомида якуний қарор қабул қилди.

«Менинг мухлисларим, менинг жамоам, менинг уйим», – дея ёзди Гризманн ўзининг твиттердаги саҳифасида. 
«Менга клубдаги лойиҳа, трансферлар ҳақида маълумот берилди. Жамоа ўсишда давом этиши ва Чемпионлар лигасида ғолиб чиқиши учун барча имкониятни ишга солмоқда — бу ажойиб. Жаҳон чемпионати йўл олишдан бир кун олдин мен якуний қарорга келдим: "Атлетико"да қоламан. Мен босимни ҳис қиляпман. Хато қилмаганимни, клубга ва жамоадошларимга ишонишимни барчага кўрсатмоқчиман», – дея футболчининг сўзларидан иқтибос келтирди Mundo Deportivo.

Аввалроқ Гризманн «Барселона»га ўтишга яқин тургани ҳақида хабар тарқатилганди. Аммо «Атлетико» франциялик футболчига 25 миллион евро миқдоридаги маош билан янги шартнома таклиф қилди.

“Барселона” ҳимоячиси Жерар Пике  “Атлетико”да қолишга қарор қилган Антуан Гризманн ҳақида фикрларини билдириб ўтди.

Kosmos Studios компанияси айнан, Гризманн қандай қарор чиқариши ҳақида ҳужжатли фильм ҳам олди “анорранглилар” футболчиси бу фильмга ҳам ўз муносабитини билдирди.

“Бу фильм бир футболчини хайётини ва қандай қилиб, фаолиятидаги энг муҳим қарорларни чиқаришини очиқ ойдин кўрсатиб берибди. Kosmos Studios ва айниқса Гризманнга ўз минатдорчилигимни билдираман. Сен “Атлетико”да қолишга қарор қилдинг. Умид қиламан, ажойиб мавсумни ўтказасан”, - деб ёзади Пике твитердаги сахифасида.