ЖЧ-2018 мусобақаси "А" гуруҳи 1-тур учрашувидан ўрин олган Миср ва Уругвай терма жамоалари ўртасидаги баҳс ўз ниҳоясига етди.  «Екатеринбург-Арена»да бўлиб ўтган ўйинда Уругвай терма жамоаси ғабалани қўлга киритди.

Ўйин уругвайликларнинг кичик устунлигида ўтди ва уларда бир қатор қулай имкониятлар содир бўлди. Ўз навбатида Миср ҳам бир нечта хавфли ҳужум ташкил қилди.

Учрашувнинг сўнгги дақиқасида Хосе Мария Хименес бурчакдан узатиб берилган тўпни мисрликлар дарвозасига йўллади ва баҳс тақдирини ҳал қилган голга муаллиф бўлди.

Шу тариқа, Россия ва Уругвай жамоалари гуруҳ пешқадамлигини ўз қўлларига олдилар. Кейинги турда Миср русларга қарши майдонга тушса, Уругвай термаси Саудия Арабистони билан кус синашади.

ЖЧ-2018

А-ГУРУҲИ. 1-ТУР

МИСР – УРУГВАЙ 0:1 (0:0)

Гол: 0:1 – 90 Хименес.

Миср: Муҳаммад Эш-Шенави, Аҳмад Фатҳи, Омар Габр, Аҳмад Ҳегази, Муҳаммад Абдул-Шафий, Муҳаммад Эн-Ненни, Торек Ҳамид, Амр Варда (Собҳи, 82), Абдалла Саид, Маҳмуд Трезеге, Марвон Муҳсин (Қахрабо, 63).

Уругвай: Фернандо Муслера, Гильермо Варела, Диего Годин, Хосе Хименес, Мартин Касерес, Наитан Нандес (Санчес, 58), Родриго Бентанкур, Матиас Весино (Торрейра, 87), Жорджиан де Арраскаэта (Родригес, 59), Луис Суарес, Эдинсон Кавани.

Огоҳлантиришлар: Морси (90), Ҳегази (90).