ЖЧ-2018 1-тури доирасидаги «В» гуруҳидан ўрин олган Португалия ҳамда Испания терма жамоалари ўртасидаги учрашув ўз поёнига етди. Жуда қизиқарли, очиқ, жанговор тарзда кечган баҳс 3:3 ҳисобида ўз поёнига етди.

Роналду пенаьтидан ҳисобни очган бўлса, Коста мувозанатни тиклади. 44-дақиқада Роналду Португалияни яна ҳисобда олдинга олиб чиқди.

55-дақиқада Коста яна бир голи билан мувозанатни тиклаган бўлса, орадан уч дақиқа ўтар-ўтмас, Начо суперголи эвазига Испанияни ҳисобда олдинга олиб чиди.

Аммо 88-дақиқада Роналду жарима зарбасидан ажойиб тарзда фойдаланиб, учрашув дуранг ҳисобда якунланишини таъминлади.

ЖЧ-2018. «В» ГУРУҲИ

ПОРТУГАЛИЯ – ИСПАНИЯ 3:3 (2:1)

15 июнь, «Олимпийский стадион Фишт»

Голлар: 1:0 – 4, пенальти Роналду, 1:1 – 24 Диего Коста, 2:1 – 44 Роналду, 2:2 – 55 Диего Коста, 2:3 – 58 Начо, 3:3 – 88 Роналду.

Португалия: Руй Патрисиу, Соареш, Пепе, Фонте, Геррейру, Бернарду Силва (Куарежма, 69), Моутинью, Вильям Карвалью, Бруну Фернандеш (Жоау Мариу, 68), Гонсалу Гедеш (Андре Силва, 80), Роналду.

Испания: Де Хеа, Начо, Пике, Рамос, Альба, Коке, Бускетс, Иньеста (Алькантара, 70), Сильва (Васкес, 86), Диего Коста (Аспас, 77), Иско.

Огоҳлантиришлар: Бускетс (17), Бруну Фернандеш (28).