ЖЧ-2018 мусобақаси "Е" гуруҳи 1-тур учрашувидан ўрин олган Коста-Рика ҳамда Сербия терма жамоалари ўртасидаги баҳс ўз ниҳоясига етди. «Самара-Арена»да бўлиб ўтган ўйинда Европа вакиллари кичик ҳисобдаги ғалабани қўлга киритдилар.

Учрашувнинг биринчи бўлими тенг курашлар остида кечди. Сербларнинг ҳужумлари нисбатан хавфлироқ бўлди. Иккинчи бўлим ҳам Сербиянинг ҳужумлари билан бошланди.

56-дақиқада Александр Коларов жарима зарбасини қойилмақом амалга оширган ҳолда жамоасини олдинга олиб чиқди ва бу гол ўйин тақдирини ҳал қилди. Ўйиннинг сўнгги дақиқаларида Коста-Рика босимни оширди, бироқ марказий америкаликлар рақиб дарвозасини ишғол қила олмадилар.

Шу тариқа, Сербия илк турни ғалаба билан бошлади. Гуруҳнинг иккинчи баҳси Бразилия ва Швейцария терма жамоалари ўртасида бўлиб ўтади.

ЖЧ-2018.

«Е» ГУРУҲИ. 1-ТУР.

КОСТА-РИКА – СЕРБИЯ 0:1 (0:0)

Гол: 0:1 – 56 Коларов.

Коста-Рика: Навас, Гонсалес, Дуарте, Кальво, Акоста, Венегас (Боланьос, 60), Борхес, Руис, Гусман (Колиндрес, 73), Гамбоа, Уренья (Кэмпбелл, 67).

Сербия: Стойкович, Миленкович, Коларов, Иванович, Тошич, Милинкович-Савич, Матич, Тадич (Рукавина, 83), Миливоевич, Ляйич (Костич, 70), Митрович (Прийович, 90).

Огоҳлантиришлар: Кальво (22), Гусман (56), Иванович (59).