ЖЧ-2018 «F» гуруҳидан ўрин олган илк баҳс – Германия ҳамда Мексика терма жамоалари ўртасидаги учрашув ўз поёнига етди.

Учрашув кутилмаган ҳолда шимолий америкаликларнинг кичик ҳисобдаги ғалабаси билан якунланди.

Ўйин кутилганидек Германиянинг устунлиги билан бошланди. Мексикаликлар эса имкон бўлиши ҳамоно олдинга ташланиб, рақибни жазолашга интилди. Бир-неча муваффақиятсиз урунишдан сўнг ваниҳоят, 35-дақиқада ана шундай қарши ҳужумлардан бири гол билан якунланди.

Чичарито ва Лозано тезкорлик билан рақиб жарима майдончасига ёриб кирди ва Ирвин кучли зарбаси билан Нойернинг пастки яқин бурчагини нишонга олди.

Иккинчи бўлимда европаликлар ҳар қанча уринишмасин вазиятни ўнглашни уддалай олишмади.

ЖЧ-2018. 1-ТУР

«F» ГУРУҲИ

ГЕРМАНИЯ – МЕКСИКА – 1:0 (1:0)

Гол: 0:1 – 35 Лосано.

Германия: Нойер, Боатенг, Платтенхардт (Гомес, 79), Киммих, Хуммельс, Хедира (Ройс, 60), Кроос, Озил, Дракслер, Вернер (Брандт, 86), Мюллер.

Мексика: Очоа, Морено, Айяла, Сальседо, Лайюн, Эррера, Гальярдо, Вела (Альварес, 58), Гуардадо (Маркес, 74), Лосано (Хименес, 66), Эрнандес.

Огоҳлантиришлар: Морено (40), Мюллер (83), Хуммельс (84), Эррера (90).