ЖЧ-2018 2-тури доирасидаги Япония ҳамда Сенегал терма жамоалари ўртасидаги учрашув ўз поёнига етди. Муросазис баҳс якунда жамоалар муроса кўчасини танлашди – 2:2.

11-дақиқада сенегаллик футболчилар Саненинг гол эвазига ҳисобда олдинга чиқиб олишди. Аммо мазкур гол қитъадошларимизнинг яхшироқ ўйнашига туртки бўлди ва ўйин тизгнини ўз томонига оғдирган японлар 34-дақиқада Инуининг голи эвазига мувозанатни тиклашди.

Биринчи бўлим шу ҳисобда якунланди. Иккинчи бўлим ҳам ўртача тепмда ва жамоаларнинг галма-гал ҳужумлар остида давом этди.

71-дақиқага келиб Ваге яна бир бор Сенегални ҳисобда олдинга чиқарди. Аммо бу голнинг жавоби ҳам ўзини кўп куттирмади. Аниқроғи, 78-дақиқада Хонда жавоб голини киритди.

Шу тариқа, Япония терма жамоаси мундиалдаги мағлубиятсиз одимини давом эттирадиган бўлди.

ЖЧ-2018. 2-ТУР

«H» ГУРУҲИ

ЯПОНИЯ – СЕНЕГАЛ 2:2 (1:1)

Голлар: 0:1 – 11 Мане, 1:1 – 34 Инуи, 1:2 – 71 Ваге, 2:2 – 78 Хонда.

Япония: Кавасима, Йосида, Нагатомо, Сакаи, Седзи, Сибасаки, Хасебе, Кагава (Хонда, 72), Харагути (Окадзаки, 75), Инуи (Усами, 87), Осако.

Сенегал: Ндиай, Сане, Ваге, Сабали, Кулибали, Ндиайе (Ндойе, 81), Гуйе, Сарр, Ндиайе (Куяте, 65), Мане, Ньянг (Диуф, 86).

Огоҳлантиришлар: Ньянг (59), Инуи (68), Сабали (90), Ндойе (90).