Япониянинг «Виссел Кобе» клуби бўлажак учрашувда асосий «юлдузи» - испаниялик ярим ҳимоячи Андрес Иньестанинг осиёлик ўхшаши хизматидан фойдаланишга қарор қилди. Бу ҳақда The Sun таблоиди хабар берди.
Клуб раҳбариятининг бундай йўл тутишига эса Иньеста иштирокидаги ўйинга 50 мингта чипта сотилганлиги сабаб бўлди. Оилавий шароитга кўра, вақтинчалик муддатга Испанияга жўнаб кетган хавбекнинг ўрнига Японияда Иньестага ташқи кўриниши жиҳатидан ўхшашлиги билан машҳур бўлган Ям Нод жамоага чақирилди.
Эслатиб ўтамиз, Иньеста япон клуби таркибига 26 майда қўшилганди. Жаҳон ва Европа чемпиони бўлган футболчи «Виссел Кобе»даги дебютини 22 июлда нишонлаб, учрашувнинг 59-дақиқасида захирадан майдонга тушганди.
Андрес Иньеста Каталониянинг “Барселона” клуби таркибида порлаб, “анорранглилар” таркибида 8 марта Испания чемпионлиги, 4 марта Чемпионлар Лигаси, 5 марта Испания кубоги ва 7 марта Испания Суперкубогини қўлга киритганди.
Шунингдек, ярим ҳимоячи Испания терма жамоаси таркибида 2010 йили жаҳон чемпионлигини, 2008 ва 2012 йиллари эса Европа чемпионлигини қўлга киритган.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20