Ямайкалик спринтер Усэйн Болт Австралиянинг «Сентрал Кост Маринерс» жамоасида футбол билан шуғулланадиган бўлди. 8 карра олимпия чемпиони билан шартнома ҳақида клуб расмий сайти хабар тарқатган.
Bleacher Report`га кўра, битим чекланмаган муддатга имзоланган бўлиб, Болтга Госфорд шаҳри жамоасининг умумий гуруҳ машғулотларида иштирок этиш имконини беради. Бироқ ямайкалик футболчи А-лигада майдонга тушишига кафолат берилмайди, сабаби унинг шартномаси профессионал шаклда эмас.
«Профессионал футболда ўйнаш менинг орзум эди. Бунинг учун мендан кўп меҳнат ва машғулотларда тер тўкиш талаб этилади», - деган 31 ёшли атлет.
2017 йили Лондонда ўтган жаҳон чемпионатидан сўнг фаолиятига якун ясаган Усэйн Болт шу пайтгача бир неча маротаба футболда ўзини синаб кўришни исташи ҳақида айтган. Шу йилнинг март ойида у Дортмунднинг «Боруссия» клуби очиқ машғулотларида иштирок этган, июнда эса Норвегиянинг «Стремсгодсет» клуби сафида ўртоқлик ўйинида майдонга тушганди. У, шунингдек, «Олд Траффорд» стадионида бўлиб ўтган хайрия учрашувида жаҳон терма жамоаси таркибида Англияга қарши тўп сурди.
Манба: www.tribuna.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20