Англия Премьер-лигасининг ҳисоб бўйича 26-мавсуми 10 август куни старт олди ва келаси йил 12 майга қадар давом этади. Шубҳа йўқ, олдинда бизни ўта шиддатли ва муросасиз баҳслар кутиб турибди.

Зеро, дунё футболидаги энг рақобатбардош лига тобора янги мураббий ва футболчилар ҳисобига бойимоқда. Мисол учун, «Ливерпуль» дунё футболидаги энг қимматбаҳо дарвозабон (Алиссон) АПЛда ўйнашини таъминлади.

Ҳа, маълум даражада йўқотишлар ҳам йўқ эмас. Хусусан, Англия чемпионати ўзининг чин афсоналаридан бири Арсен Венгер билан хайрлашди. Лекин қуйидаги мақола «ўтди-кетди»лар эмас, балки АПЛ тарихида қайд этилган турли рекорд кўрсаткичлар ҳақида.

Ўйлаймизки, бу каби маълумотлар кўпчилик, айниқса, инглиз футболи шинавандаларини етарлича қизиқтиради.

Дарвоқе, бугун фақат футболчилар ва мураббийларга тегишли кўрсаткичларга назар соламиз.

ЎЙИНЛАР СОНИ ВА ЁШ БЎЙИЧА

Энг кўп ўйин ўтказган футболчи: Гарет Барри - 653 та (1998 йил 2 май - 2018 йил 24 февраль)

Узлуксиз равишда энг кўп ўйин ўтказган футболчи: Брэд Фридель - 310та (2004 йил 14 август -2012 йил 7 октябрь)

Энг кўп мавсум ўйнаган футболчи: Райан Гиггз - 22 мавсум (1992|1993 - 2013|2014)

Майдонга тушган энг ёш футболчи: Мэтью Брижс - 16 ёш 65 кун («Фулхэм» сафида, 2007 йил 13 май)

Майдонга тушган энг ёши катта футболчи: Жон Барриж, 43 ёш 162 кун («Манчестер Сити» сафида, 1995 йил 14 май)

ГОЛЛАР БЎЙИЧА

Биринчи гол муаллифи: Брайан Дин («Шеффилд Юнайтед» сафида «МЮ»га қарши ўйинда, 1992 йил 15 август)

Энг кўп гол урган футболчи: Алан Ширер - 260та («Саутгемптон», «Блэкберн», «Ньюкасл», 1992-2006 йиллар)

Битта мавсумда энг кўп гол урган футболчилар (42та турдан иборат тизим): Энди Коул - 34та («Ньюкасл», 1993|1994), Алан Ширер - 34та («Блэкберн», 1994|1995)

Битта мавсумда энг кўп гол урган футболчи (38та турдан иборат тизим): Муҳаммад Салоҳ - 32та («Ливерпуль», 2017|2018)

Дебют мавсумида энг кўп гол урган футболчи: Кевин Филиппс - 30та («Сандерленд», 1999|2000)

Бир тақвим йили давомида энг кўп гол урган футболчи: Гарри Кейн - 39та («Тоттенхэм», 2017)

Битта клуб сафида энг кўп гол урган футболчи: Уэйн Руни - 183та («МЮ»)

Биринчи «хет-трик» муаллифи: Эрик Кантона («Лидс» учун «Тоттенхэм»га қарши ўйинда, 1992 йил 25 август)

Энг тезкор «хет-трик» муаллифи: Садио Мане - 2 дақиқа 56 сония («Саутгемптон» учун «Астон Вилла»га қарши ўйинда, 2015 йил 16 май)

Гол урган энг ёш футболчи: Жеймс Воган - 16 ёш 270 кун («Эвертон» сафида «Кристал Пэлас»га қарши ўйинда, 2005 йил 10 апрель)

Гол урган энг ёши катта футболчи: Тедди Шерингем - 40 ёш 268 кун («Вест Хэм» сафида «Портсмут»га қарши ўйинда, 2006 йил 26 декабрь)

Энг тезкор гол муаллифи: Ледли Кинг - 9,9-сония («Тоттенхэм» сафида «Брэдфорд»га қарши ўйинда, 2000 йил 9 декабрь)

Захирадан майдонга тушиб, энг тезкор гол муаллифига айланган футболчи: Никлас Бендтнер - 1,8-сония («Арсенал» сафида «Тоттенхэм»га қарши ўйинда, 2007 йил 22 декабрь)

Энг кеч урилган гол муаллифи: Дирк Куйт - 101-дақиқа 48-сония («Ливерпуль» сафида «Арсенал»га қарши ўйинда, 2011 йил 17 апрель)

Захирадан майдонга тушиб, 1та ўйинда энг кўп гол урган футболчи: Оле-Гуньяр Сульшер - 4та («МЮ» учун «Ноттингем Форест»га қарши ўйинда, 1999 йил 6 февраль)

Қаторасига энг кўп турда гол урган футболчи: Жейми Варди - 11та ўйин («Лестер», 2016 йил 29 август - 28 ноябрь)

Сафарда қаторасига энг кўп ўйинда гол урган футболчи: Робин ван Перси - 9та учрашув («Арсенал», 2011 йил 1 январь - 22 май)

7та клуб учун гол урган ягона футболчи: Крейг Беллами («Ковентри», «Ньюкасл», «Блэкберн», «Ливерпуль», «Вест Хэм», «Манчестер Сити», «Кардифф Сити»)

Бир ой ичида энг кўп гол урган футболчи: Луис Суарес - 10та («Ливерпуль», 2013 йил декабрь)

Энг кўп автогол қайд қилган футболчи: Ричард Данн - 10та

Энг кўп голга ассистентлик қилган футболчи: Ра-йан Гиггз  - 162та («МЮ»)

Битта мавсумда энг кўп голга ассистентлик қилган футболчи: Тьерри Анри - 20та («Арсенал», 2002|2003)

Қаторасига энг кўп ўйинда голга ассистентлик қилган футболчи: Месут Озил - 7та учрашув («Арсенал», 2015 йил 26 сентябрь - 21 ноябрь)

---------------------------------------------

АПЛ ТАРИХИДАГИ БАРЧА «ФЛЭШ» (5ТА ГОЛ) МУАЛЛИФЛАРИ

Энди Коул («МЮ» - «Ипсвич», 1995 йил 4 март)

Алан Ширер («Ньюкасл» - «Шеффилд Уэнсдей», 1999 йил 19 сентябрь)

Жермейн Дефо («Тоттенхэм» - «Уиган», 2009 йил 22 ноябрь)

Димитар Бербатов («МЮ» - «Блэкберн», 2010 йил 27 ноябрь)

Серхио Агуэро («Манчестер Сити» - «Ньюкасл», 2015 йил 3 октябрь)

ДАРВОЗАБОНЛИК БЎЙИЧА

Битта мавсум давомида энг кўп «қуруқ» ўйин ўтказган футболчи: Петр Чех - 24та  («Челси», 2004|2005)

Ўз дарвозасини энг узоқ муддат дахлсиз сақлаган футболчи: Эдвин ван дер Сар - 14та ўйин, 1311 дақиқа («МЮ», 2008|2009)

Энг кўп «қуруқ» ўйин ўтказган футболчи (барча мавсумлар): Петр Чех - 201та («Челси», «Арсенал»)

Факт. Эдерсон Мораес шу йил май ойида «Манчестер Сити» машғулотида тўпни узоқ масофага тепиб, Гиннес рекордлар китобига кирди. Унинг зарбасидан сўнг тўп 75,35 метр узоқликка етиб борди. Хуллас, бразилиялик дарвозабон шу кўрсаткичи ортидан Гиннес рекордлар китобининг махсус сертификатини олди.

---------------------------------------------

АПЛ ТАРИХИДА РАҚИБ ДАРВОЗАСИГА ГОЛ УРГАН КИПЕРЛАР

Петер Шмейхель («Эвертон» - «Астон Вилла» - 3:2, 2001 йил 20 октябрь)

Брэд Фридель («Чарльтон» - «Блэкберн» - 3:2, 2004 йил 21 февраль)

Пол Робинсон («Тоттенхэм» - «Уотфорд» - 3:1, 2007 йил 17 март)

Тим Ховард («Эвертон» - «Болтон» - 1:2, 2012 йил 4 январь)

Асмир Бегович («Сток Сити» - «Саутгемптон» - 1:1, 2013 йил 2 ноябрь)

ИНТИЗОМ БЎЙИЧА

Энг кўп қизил карточка олган футболчилар: Патрик Виейра, Данкан Фергюсон, Ричард Данн - 8тадан

Энг кўп сариқ карточка олган футболчи: Гарет Барри - 103та («Астон Вилла», «Манчестер Сити», «Эвертон»)

Битта мавсум давомида энг кўп қўполлик ишлатган футболчи: Кэвин Дэвис - 782 марта (2000|2001)

Энг узоқ муддатли дисквалификацияга учраган футболчи: Жоуи Бартон - 12та ўйин  («КПР», 2012 йил 13 май куни «Манчестер Сити»га қарши ўйиндан сўнг)

---------------------------------------------

АПЛ ТАРИХИДА ТЎПГА УМУМАН ТЕГИНМАЙ ТУРИБ (ЗАХИРАДАН МАЙДОНГА ТУШИБОҚ), ҚИЗИЛ КАРТОЧКА ОЛГАН ФУТБОЛЧИЛАР

Андреас Йоханссон («Уиган» - «Арсенал», 2006 йил 7 май)

Кейт Жиллеспай («Шеффилд Юнайтед» - «Рединг», 2007 йил 20 январь)

Дейв Китсон («Рединг» - «МЮ», 2007 йил 12 август)

МУРАББИЙЛИК БЎЙИЧА

Энг кўп чемпион бўлган бош мураббий: Алекс Фергюсон - 13 марта («МЮ» билан, 1992|1993, 1993|1994, 1995|1996, 1996|1997, 1998|1999, 1999|2000, 2000|2001, 2002|2003, 2006|2007, 2007|2008, 2008|2009, 2010|2011, 2012|2013)

Битта клубда энг узоқ муддат ишлаган мураббий: Арсен Венгер - 21 йил 224 кун («Арсенал», 1996 йил 1 октябрь - 2018 йил 13 май)

Энг кўп ой лауреати бўлган мураббий: Алекс Фергюсон - 27 марта («МЮ»)

Битта клубда энг қисқа муддат ишлаган мураббий: Лес Рид - 41 кун («Чарльтон», 2006 йил 14 ноябрь - 24 декабрь)

АПЛга клубларни олиб чиқиш бўйича етакчи мураббий: Стив Брюс - 4 марта («Бирмингем Сити» - 2001|2002 ва 2006|2007, «Халл Сити» - 2012|2013 ва 2015|2016)

Жамоаси билан АПЛдан энг кўп тушиб кетган мураббий: Дэйв Бассетт - 3 марта («Шеффилд Юнайтед» - 1993|1994, «Ноттингем Форест» - 1996|1997, «Лестер» - 2001|2002)

P.S.: юқоридаги барча маълумотлар олдинги мавсумларга тегишли, яъни бошланган мавсумга алоқаси йўқ.

ФИКРАТ тайёрлади