Англия чемпионатининг 4-туридан ўрин олган баҳслар давом этмоқда. Кечага белгиланган ўйинларининг сўнггиси «Этихад Стэдиум»да бўлиб ўтди ва унда «Манчестер Сити» – «Ньюкасл»ни қабул қилиб битта тўп фарқи билан ғалабага эришди.

Учрашувнинг 8-дақиқасида Рахим Стерлинг ўзининг аниқ зарбаси билан мезбонларни олдинга олиб чиқди. 30-дақиқада Деандре Йедлин мувозанатни тиклашга муваффақ бўлди.

Иккинчи бўлим дебютида Кайл Уолкер чамаси 23 метр масофадан кучли зарба йўллади ва жамоасининг ғалаба тўпини киритди.

Шу тариқа, «Манчестер Сити» ўз очколарини 10тага етказиб олган ҳолда турнир жадвалининг учинчи поғонасига кўтарилиб олди.

АПЛ. 4-ТУР

МАНЧЕСТЕР СИТИ – НЬЮКАСЛ 2:1 (1:1)

Голлар: 1:0 – 8 Стерлинг, 1:1 – 30 Йедлин, 2:1 – 52 Уокер.

Манчестер Сити: Эдерсон, Стоунз, Менди, Уокер, Лапорт, Марез (Гюндоган, 76), Фернандиньо, Сильва (Компани, 89), Стерлинг, Габриэл Жезус (Бернарду Силва, 58), Агуэро.

Ньюкасл: Дубравка, Фернандес, Кларк (Мерфи, 81), Дамметт, Ласселс, Ки Сон Ен, Кенеди (Атсу, 54), Диаме, Йедлин, Перес, Рондон (Хоселу, 73).