Италия чемпионатининг 3-туридан ўрин олган «Парма» – «Ювентус» ўйинда туринликларнинг қўли баланд келди.

Учрашувнинг 2-дақиқасидаёқ Марио Манжукич меҳмонларни олдинга олиб чиқди. 33-дақиқада Массимо Гоббининг чап қанотдан узатган тўпини Жервиньо яқин масофадан рақиб дарвозасига жойлаб мувозанатни тиклади.

58-дақиқа ўтиб бораётган бир вақтда Манжукичдан чиройли пас қабул қилиб олган Блез Матюиди ўткир бурчакдан дарвозани аниқ нишонга олди ва жамоасига ғалаба келтирган голга муаллиф бўлди.

Шу тариқа, «Ювентус» кетма-кет учинчи турда ғалаба қозонди ва 9 очко билан турнир жадвалида пешқадам бўлиб турибди.

ИТАЛИЯ «А» СЕРИЯСИ. 3-ТУР

ПАРМА – ЮВЕНТУС 1:2 (1:1)

Голлар: 0:1 – 2 Манжукич, 1:1 – 33 Жервиньо, 1:2 – 58 Матюиди.

Парма: Сепе, Якопони, Бруну Алвеш, Гальоло, Гобби, Ригони (Дейола, 60), Штулац, Барилла, Жервиньо (да Крус, 61), Инглезе, Ди Гаудио (Чераволо, 80).

Ювентус: Шченсни, Куадрадо, Бонуччи, Кьеллини, Алекс Сандро, Хедира (Дибала, 80), Пьянич (Жан, 73), Матюиди, Бернардески (Дуглас Коста, 55), Манжукич, Роналду.

Огоҳлантиришлар: Пьянич (13), Бернардески (40), Ригони (45), Куадрадо (90).