ФИФА кунларидан фойдаланиб бир қатор терма жамоалар ўртоқлик ўйинларида майдонга тушмоқдалар. Қитъадошларимиз Жанубий Корея терма жамоаси ўз майдонида Коста-Рика термаси билан баҳс юритди ва 2:0 ҳисобидаги ғалабани қўлга киритди.

Учрашувнинг 35-дақиқасида Ли Чэ Сон ҳисобни очган бўлса, 78-дақиқада кореяликларнинг тажрибали футболчиси Нам Тэ Ҳви якуний ҳисобни ўрнатди.

Ҳисоб йирик кўриниш олиши мумкин эди, бироқ “Осиё йўлбарслари” етакчиси Сон Ҳин Мин пенальтини аниқ амалга ошира олмади.

Корея кейинги ўртоқлик ўйинини 11 сентябр куни Чили термаси билан ўтказади. Коста-Рика эса ўша куни Японияга қарши саф тортади.

ЎРТОҚЛИК УЧРАШУВИ

ЖАНУБИЙ КОРЕЯ – КОСТА-РИКА 2:0 (1:0)

Голлар: Ли Жэ Сун (35), Нам Тэ Хви (78).

Жанубий Корея: Ким Шин Гю, Ким Ён Гвон, Хон Чол, Чан Хён Су, Ли Ён (Ким, 86), Чон У Ён, Нам Тэ Хви (Хванг, 80), Ли Жэ Сун (Мун Сон Мин, 68), Ки Сун Ён (Ким Мин Жэ, 46), Жи Дон Вон (Хван Ин Чо, 67), Сон Хюн Мин (Ли Шин У, 83).

Коста-Рика: Альварадо, Овьедо, Гамбоа, Дуарте, Кальво, Гусман (Асофейфа, 82), Крус, Агиляр (Леаль, 57), Марин (Мойя, 86), Жорж (Рамирес, 70), Колиндрес (Уоллес, 69).

Огоҳлантиришлар: Гамбоа (34), Гусман (35).