Лионель Месси интервьюлари чоғида унчалик қизиқарли гапларни гапирмайди. Унинг ўзига хос шаблони бор: «Биз ғалаба қозонишимиз керак», «Барселона — менинг уйим» ва шунга ўхшаш гаплар.
Яқинда Лео Каталониянинг Mundo Deportivo нашрига инервью берди. Бу сафарги суҳбатда бироз қизиқарли мавзулар хусусида сўз борди.
РОНАЛДУНИНГ КЕТИШИ ҲАҚИДА
- Тўғрисини айтсам, Криштианунинг «Реал»дан кетишини кутмагандим. Уни қўйиб юбориб Мадрид кўп нарса йўқотди. Роналдуга кўплаб клублар қизиқаётганини эшитгандим. Аммо улар орасида «Ювентус»нинг имкониятларини юқори ҳисобламагандим. Туринда яхши жамоа шаклланган.
Лекин барибир ҳайрон қолдим. Криштианусиз «Реал»га қийин бўлади. Бироқ улар соврин учун барибир курашадилар. «Ювентус» эса Чемпионлар Лигасининг яққол фаворитига айланади. «Юве» - ажойиб жамоа. Мана энди, уларга Роналду ҳам қўшилди.
ЧЕМПИОНЛАР ЛИГАСИ ҲАҚИДА
- Охирги уч мавсумда ЕЧЛда кўнгилдагидек иштирок этолмадик. Ўтган сафарги мусобақа эса сўнгги йиллардаги энг ёмони бўлди. Чемпионлар Лигасида ғолиб чиқиш вақти келди. Таркибимиз жуда яхши ва совринни қўлга киритишга қодирмиз.
ТИЖОРАТ ҲАҚИДА
- Бугунги кунда кўплаб клублар Чемпионлар Лигасида ғалаба қозонишни асосий мақсад қилиб олишган. Бу эса замонавий футболчиларнинг фикрларига таъсир ўтказмоқда. Футболчиларни пул бошқармоқда. Улар клуб шарафи учун курашмай қўйишди. Жамоавий натижага эришишдан кўра, маблағ муҳим бўлиб қолди.
ОИЛАСИ ҲАҚИДА
- Барселонада 13 йилдан буён яшайман. Бу ерда ҳамма нарсам бор. Фарзандларим Каталонияда туғилишди. Ҳаётимни жаҳоннинг энг яхши клуби ва шаҳрида ўтказдим. Яна бирор нарса керак, деб ўйламайман.
ПЕНАЛЬТИЛАР ҲАҚИДА
- Айнан шу жиҳатни кучайтиришни истайман. Пенальтиларни аниқ амалга оширишда янада эффективроқ бўлмоқчиман. Бу борада кўп машқ қилишнинг ҳожати йўқ. Чунки ўйин пайтида ҳар хил вазият бўлади. Пенальтини аниқ амалга ошириш ҳамма ўйлагандек осон эмас.
Боз устига, ҳозирда дарвозабонлар ҳужумчиларнинг пенальти тепиш усулларини ўрганиб боришмоқда. Мен эса рақибларни ипидан-игнасигача ўрганмайман. Ваҳоланки, жуда кўп футбол кўраман.
Айтайлик, бирор-бир ўйинни турли ғоялар билан бошладингиз. Якунда уни амалга ошира олмаслигингиз мумкин. Шу боис ҳам ҳаракатларимни ўйин пайтида таҳлил қилиб боришга ўрганганман.
АКАДЕМИЯ ҲАҚИДА
- Мавсумолди машғулотларда академия тарбияланувчиси Рикард Пуиг ўзини ҳар томонлама кўрсата олди. «Барса» кантерадаги ёш футболчиларни асосий таркибга жалб қилиш анъанасини давом эттираётгани яхши.
Бу борада сўнгги йилларда кўп нарса йўқотдик. Энди хавотирга ўрин йўқ. Клуб яна «Ла Масия»га ишонч билдира бошлади.
ҚАЧОНГАЧА ФУТБОЛ ЎЙНАШИ ҲАҚИДА
- 40 ёшгача футбол ўйнашимни осонликча тасаввур қиляпман. Фаолиятимни тугатгач, нима билан шуғулланишим ҳақида ҳозирча ўйламадим. Айни пайт мени фақат «Барселона» таркибидаги иштироким қизиқтиради.
Вақти келганида, кейинги фаолиятим ҳақида якуний қарорни чиқараман. Режам - Барселонада қолиш. Фарзандларим маҳаллий мактабда таълим олишмоқда, у ерда дўстлар орттиришган. Мана шу ҳақда кўпроқ ўйламоқдаман.
ЖАЪФАРАЛИ тайёрлади
Манба: www.interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20