Қайднома

Қидирув

Осиё кубоги-2019 гуруҳларига назар

Осиё кубоги-2019 гуруҳларига назар

  06.10.2018 00:27
  0
  382
Осиё кубоги-2019 гуруҳларига назар

Сентябрь ойининг дастлабки 10 кунлиги халқаро ўртоқлик учрашувлари белгиси остида ўтди. Қолаверса, Европада янги турнир - Миллатлар лигаси старт олди.

Хуллас, ўйинлар кўплиги боис, ФИФА рейтингининг дастлабки юзталигида жузъий ўзгаришлар бўлиши кутилганди. Мана, 20 сентябрь куни эълон қилинган жаҳон рейтинги тепасида қўшҳокимлик юзага келди. Яъни Бельгия ва Франция термалари рўйхат етакчилари сифатида қайд этилди.

Осиёда эса мини-турнирлар, «меҳмоннавозликлар» кўп кузатилди. Дейлик, Ўзбекистон, Қирғизистон, Қатар, Иордания каби жамоалар қисқа муддат оралиғида ўз майдонида 2тадан ўйин ўтказди. Шунингдек, Осиёга бошқа қитъалардан ҳам меҳмонлар таклиф қилинди.

* Жаҳон рейтингининг дастлабки 50талигида ОФКдан атиги 2та, 100талигида эса 16та жамоа бор. Бу ҳолат ОФК мутасаддиларини чуқур ўйга толдириши керак. Тўғри, 2019 йилги қитъа чемпионати стартига чамаси 100 кун вақт бор. Умуман, конфедерациянинг 46та аъзоси ҳам рейтингда олға силжимаётган экан, ўсиш ҳақида гапириш ортиқча.

* Ўзбекистон терма жамоаси кутилганидек, ОФК миқёсида 14-қаторга, дунё рейтингида эса 96-ўринга тушиб қолди. Хуллас, миллий термамиз яна бир поғона пастга сурилди. Атиги 2,39 балл йўқотганимиз - бу вазият тақозоси.

Факт шуки, 11 сентябрь куни Эрон термасига 0:1 ҳисобида ютқазганимиз туфайли иккинчи юзталикка янада яқинлашиб қолдик. Бу кетишда 1996 йилнинг ноябрида қайд этилган антирекорд (119-ўрин) янгиланмаса бўлгани, ишқилиб...

* Ой якунига кўра, ўринлар бўйича энг яхши ўсишга Украина термаси (+6) эришди. Очколар мисолида эса, энг юқори тараққиёт Кения термасида кузатилди. Гана ва Словения термалари ўринлар бўйича ҳаммадан шиддатли қулади (-6).

Ой давомида энг катта ўсишга эришган жамоалар (ўринлар бўйича)

1. Украина: +6 ўрин

2. Босния ва Гер.: +5 ўрин

   Кения: +5 ўрин

4. Финляндия: +4 ўрин

   Қатар: +4 ўрин

   Никарагуа: +4 ўрин

   Сент-Люсия: +4 ўрин

Ой давомида энг катта қулашга юз тутган жамоалар (ўринлар бўйича)

1. Гана: -6 ўрин

   Словения: -6 ўрин

3. Коста-Рика: -5 ўрин

   Бутан: -5 ўрин

Ой давомида энг катта ўсишга эришган жамоалар (очколар бўйича)

1. Кения: +22,12 очко

2. Мавритания: +17,24 очко

3. Испания: +16,56 очко

4. Босния ва Гер.: +16,26 очко

5. Эфиопия: +15,92 очко

Ой давомида энг катта йўқотишга юз тутган жамоалар (очколар бўйича)

1. Гана: -17,48 очко

2. Буркина-Фасо: -17,24 очко

3. Словения: -16,22 очко

4. Сьерра-Леоне: -15,87 очко

5. Бутан: -14,97 очко

* Хўш, ОК-2019 гуруҳларидаги жамоаларнинг рейтингдаги мавқелари асосида келиб чиқсак, қайси квартет кучлироқ? Яъни ҳар бир гуруҳ вакилларининг ўртача рейтингига қарасак, қандай натижалар кўзга ташланади? Демак, ФИФА рўйхати воситасида қайси гуруҳдан кейинги раундга чиқиш мураккаблигини тахмин қилиб кўрамиз.

«B» гуруҳи. Ўртача рейтинг: 81,75-ўрин (Австралия - 43, Сурия - 74, Фаластин - 100, Иордания - 110

Австралия термаси ЖЧ-2018дан кейин ҳали бирор ўйин ўтказмади, иорданияликлар эса ўз майдонларида Ливан ҳамда Уммон жамоалари билан куч синашишди. Лекин иккиси ҳам рейтингда силжигани йўқ. Шундай бўлсада, БААда бу икки рақиб тўқнашуви турнир безагига айланиши мумкин.

«C» гуруҳи. Ўртача рейтинг: 84-ўрин (Ж.Корея - 55, Хитой - 76, Қирғизистон - 91, Филиппин - 114)

Форс кўрфазига сафар Хитой термасига омад келтирмади. Чин юрти вакиллари Қатар термасининг ягона голи оқибатида 1 поғона пастга тушишди. Қирғизистонликлар аксинча, ўз мухлислари кўз ўнгида Сурия термасидан устун келишгани эвазига 1 поғона юқорилашди.

«E» гуруҳи. Ўртача рейтинг: 87,75-ўрин (С.Арабистони - 71, Қатар - 94, Ливан - 77, КХДР - 109)

Саудия Арабистони термаси 10 сентябрь куни Ар-Риёдда Боливия жамоасини енголмай (2:2), умумий рейтингда юқорига кўтарилиш имкониятидан фойдаланолмади. Умуман, ЖЧ-2018да қайд этилган ягона ғалаба Хуан Антонио Пиццига катта умид бағишламоқда. Лекин рейтингда ўсиш кузатилмаяпти. Қатарликлар эса Хитой ва Фаластин термаларини енгиш эвазига бирданига 4 поғона юқорига сакрашди. Бу жамоа  октябрда Эквадор ва Ўзбекистон термаларига қарши майдонга тушади. Агар бўлажак ўйинлар салбий натижа тақдим этса, унда қатарликлар илк 100таликдан четга чиқишлари ҳеч гап эмас. Ливан термаси эса иорданияликларни сафарда мағлубиятга учратиб, ОК-2019 иштирокчилари орасида яққол ўсишга эришган кам сонли жамоалардан бири бўлди.

«D» гуруҳи. Ўртача рейтинг: 89,25-ўрин (Эрон - 33, Ироқ - 89, Вьетнам - 102, Яман - 133)

ОФК етакчиси Эрон термаси 32-ўриндан бир поғона пастга сурилди. Ваҳоланки, форслар жорий йил ҳисобидан 4-марта 1:0 ҳисобида ғалаба қозонишди. Умуман, Карлуш Кейруш жамоаси бу йил жами 10та ўйин ўтказди. Осиё кубоги дебютанти - Яман термаси 27 март куни Непал жамоасини 2:1 ҳисобида мағлуб этганидан буён «уйқу»да, яъни ўйин йўқ.

«F» гуруҳи. Ўртача рейтинг: 91,25-ўрин (Япония - 54, Ўзбекистон - 96, Уммон - 85, Туркманистон - 130)

Суита шаҳрида ташкиллаштирилган «Кирин Челленж» кубоги доирасида Коста-Рика термасини 3:0 ҳисобида таслим қилган Япония миллий жамоаси умумий рейтингда 50таликка яқинлашиб олди. Уммонликлар эса Иорданияда 9 ва 11 сентябрь кунлари 2 бора 0:0 ҳисоби қайд этишди ва умумий рўйхатда 1 поғона пастга тушишди. Туркманистон термасига келсак, қўшниларимиз 27 март куни баҳрайнликларга 0:4 ҳисобида енгилишгани бўйича бошқа ўйин ўтказишмади. Туркманларнинг объектив сабабларга кўра, ўртоқлик ўйини ташкил қилолмаётганилари хусусида маълумот бор.

«A» гуруҳи. Ўртача рейтинг: 102-ўрин (БАА - 77, Таиланд - 122, Ҳиндистон - 97, Баҳрайн - 112)

Альберто Заккерони бошқарувидаги БАА термаси сентябрда бир-бирига савия жиҳатидан умуман тескари жамоалар билан ўйнади. Умуман, 9-ойни амирликлар фойдасига ёзиш қийин. Ҳиндлар эса 4-15 сентябрь кунлари Бангладешда ўтказилган Жануби-Шарқий Осиё чемпионати финалига чиқишди.

ФИФА рейтинги (ОФК миқёсида)

Т|р.     Фарқ              Терма жамоа         Очко         Фарқ          

33                 -1            Эрон                        1474           +3,17           

43                 0             Австралия               1431           -0,29            

54                 +1           Япония                    1398           +5,8             

55                 +2           Ж.Корея                  1395           +7,74           

71                 -1            С.Арабистони         1337           +0,56           

74                 -1            Сурия                      1322           -6,42            

76                 -1            Хитой                      1313           -7,06            

77                 +2           Ливан                      1308           +3,94           

77                 0             БАА                        1308           -4,31            

85                 -1            Уммон                    1287           -0,95            

89                 0             Ироқ                        1272           -2,02            

91                 +1           Қирғизистон           1265           +5,35           

94                 +4           Қатар                       1247           +10,69

96                 -1            Ўзбекистон            1245           -2,39            

97                 -1            Ҳиндистон              1244           +2,4             

100               -1            Фаластин                 1225           -4,9              

102               0             Вьетнам                  1220           0   

109               -1            КХДР                      1196           0   

110               0             Иордания                1189           -2,99            

112               +1           Баҳрайн                   1181           +1,18           

114               +1           Филиппин               1172           +0,08           

120               0             Тожикистон            1156           0   

122               0             Таиланд                   1144           0   

123               +2           Хитой Тайпейи       1139           +3,74           

130               0             Туркманистон         1120           0   

133               0             Яман                        1112           0   

138               0             Мьянма                   1092           0   

143               -1            Гонконг                   1076           0   

146               -1            Афғонистон            1068           0   

151               -1            Мальдив ор.           1049           +1,07           

159               0             Қувайт                     1014           +2,32           

160               +1           Непал                      1004           +0,01           

164               0             Индонезия              997             +5,34           

166               +3           Сингапур                 982             +5,59           

169               -3            Камбоджа               979             -5,16            

171               0             Малайзия                972             +1,29           

179               -1            Лаос                         946             -2,02            

184               +1           Макао                      925             +0,61           

186               0             Мўғулистон            922             +2,36           

188               -5            Бутан                       917             -14,97          

190               0             Шарқий Тимор       909             -2,72            

193               +1           Бангладеш               907             +3,42           

                     -3            Гуам                        907             -4,78

195               0             Бруней                     903             +2,72

199               +1           Шри-Ланка             890             +2

                     +2           Покистон                890             +5,63

Эслатма, ФИФА рейтингининг янги талқини 25 октябрь куни эълон қилинади.

Ўзбекистон миллий жамоаси: ФИФА рейтингидаги кўрсаткичлар

96       2018         Сентябрь      2             0              1            1             -            -                -                                     -

95       2018         Август          1             0              1            0             -            -                -                                     -

95       2018         Июнь            1             0              1            0             -            -                -                                     -

88       2018         Апрель         2             0              1            1             -            -                -                                     -

78       2017         -                     8             2              4            2             60          80             +3 (апрель)                   -7 (октябрь)

62       2016         -                     12           9              3            0             48          74             +10 (июль)                   -14 (ноябрь)

74       2015         -                     13           7              5            1             71          76             +3 (январь)                   -3 (декабрь)

74       2014         -                     13           6              3            4             51          74             +8 (февраль)                -9 (ноябрь)

68       2013         -                     11           6              2            3             55          68             +11 (январь)                 -13 (ноябрь)

67       2012         -                     13           5              5            3             63          77             +10 (март)                    -10 (февраль)

75       2011         -                     17           9              5            3             73          108           +31 (февраль)              -7 (апрель)

109     2010         -                     7             1              4            2             75          109           +7 (июль)                     -20 (март)

76       2009         -                     11           4              4            3             69          85             +5 (октябрь)                 -6 (сентябрь)

72       2008         -                     13           6              5            2             55          76             +10 (апрель)                 -11 (октябрь)

64       2007         -                     18           7              7            4             45          64             +4 (июль)                     -7 (апрель)

45       2006         -                     6             3              1            2             45          61             +14 (ноябрь)                -4 (август)

59       2005         -                     8             1              3            4             46          62             +5 (сентябрь)               -9 (август)

47       2004         -                     11           8              1            2             47          84             +29 (август)                  -6 (июнь)

81       2003         -                     10           5              2            3             79          112           +30 (ноябрь)                -6 (сентябрь)

98       2002         -                     2             0              2            0             64          98             +1 (март)                      -11 (сентябрь)

62       2001         -                     20           10            6            4             60          74             +14 (май)                      -4 (июнь)

71       2000         -                     7             2              4            1             55          72             +6 (октябрь)                 -8 (сентябрь)

55       1999         -                     7             6              1            0             55          88             +24 (декабрь)               -16 (январь)

66       1998         -                     8             4              2            2             66          107           +41 (декабрь)               -8 (сентябрь)

79       1997         -                     14           6              4            4             79          112           +13 (июнь)                   -2 (апрель)

109     1996         -                     7             2              5            0             95          119           +10 (декабрь)               -6 (август)

97       1995         -                     2             0              2            0             82          97             +1 (ноябрь)                  -4 (февраль)

78       1994         -                    11           10              0            1             77          78               0 (Ноябрь)                 -1 (декабрь)

Фирдавс САЙФИЙ


Манба: www.interfutbol.uz


InterFutbol.uz нинг Telegram даги саҳифасига уланинг – энг сўнгги янгиликлар, қизиқарли блоглар ва таҳлилий материаллар энди бир тўпламда.

Оммабоп мақолалар

Хабарингиз борми

Чемпионатлар

тўлиқ жадвал »

Кун фотоси

«ИНТЕРФУТБОЛ» газетасининг 25-сентябрдаги сешанба сони

  • ЎФФ ва ПФЛнинг янги раҳбарияти олиб бораётган ислоҳотларга қандай баҳо берасиз?


«ИнтерФУТБОЛ» газетасининг расмий сайти.
Гувоҳнома № 0149. Берилган санаси: 25.06.2008 Муассис: «ИНТЕРФУТБОЛМЕДИА» МЧЖ.
Бош муҳаррир: Аҳадхон АБДУҲАМИТОВ.
Таҳририят манзили: 160400, Косонсой шаҳри,Чорбоғ кўчаси, 17-уй.
Электрон манзил: info@interfutbol.uz