Яқин орада Эден Азар ижросида гол нишонлашнинг янгича усулини кўрсак, ажабмас. Ҳар ҳолда, бельгиялик ярим ҳимоячи гол шарафига тиззаси билан майдонда сирпаниш одатини ташламоқчи. У бу хусусда алоҳида тўхталиб, эндиликда ҳар бир сирпанишдан сўнг тиззалари кучли оғриётганини тан олди...
Майса устида «сузиш» - бу Азар учун ўзига хос «ташриф қоғозчаси»га айланиб улгурган усул. Эден рақиб дарвозасини ишғол қилгач, бутун дунёда ундан Тьерри Анридек тиззалар билан сирпаниш томошасини кутишади. Squawka сайти бельгиялик ярим ҳимоячи Англиядаги фаолияти давомида неча марта тиззалаб «учган»ини ҳисоблаб чиқди. Демак, у «Челси» сафида жами 96та гол урган бўлса, шундан 22таси шарафига «тиззалар билан сирпаниш» саҳнасини намойиш этган. Хўш, у қайси мавсум кўпроқ сирпанган? Бу борада мавсум-2016|2017 алоҳида ўрин тутади: Азар жами 17та голидан 8тасини ўзига хос услубда нишонлаган. Бельгиялик футболчи аввалги мавсум ҳам айнан 17та гол урди, аммо майса устида сирпанишга атиги 2 бора жазм этди, холос. Жорий мавсумга келсак, Эден ҳозирга қадар 7та голидан 2таси шарафига ўз «томоша»сини кўрсатди. Охирги марта - Лига кубоги доирасидаги учрашувда «Ливерпуль» дарвозасига урган суперголидан кейин. У айнан шу учрашув арафасида бу «ҳунар»дан воз кечишини айтганди. Қизиқ, Азар энди қандай янгилик ўйлаб топаркин? Тўғри, бельгиялик ярим ҳимоячи кубок баҳсидан сўнг чемпионатда ҳам «Ливерпуль» дарвозасини нишонга олди ва голни нисбатан оддийроқ усулда нишонлади - шунчаки, бармоқлари билан юқорига кўтарди.
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20