Pepsi Суперлига 26-тури якунланган бир паллада Осиё Чемпионлар Лигасининг келажагига бир назар ташлашнинг вақти келди.

Аввал ҳам айтганимиздек, Ўзбекистон учун ОЧЛнинг 2019 ва 2020 йиллар мавсуми учун 1+2 квотаси ажратилади. Яъни, мамлакат чемпиони мусобақани гуруҳ босқичидан бошлайди, кубок соҳиби ва иккинчи совриндор клуб (агар кубокни чемпион ютса, Суперлиганинг иккинчи ва учинчи ўрин эгалари; агар кубокни вице-чемпион ютса, кубок соҳиби ва учинчи ўрин эгаси) ОЧЛ “плей-офф” босқичида ўйнайди.

Шундай қилиб, агар ОЧЛда қатнашиш ҳуқуқига эга барча мамлакат клублари турнирда қатнашишса, бизнинг ҳар икки вакилимиз “плей-офф” 2-раундини ўз уйида ўтказади:

Иккинчи клубимиз ўз майдонида Тожикистон ва Баҳрайн чемпионлари ўртасидаги ўйин ғолибини қабул қилади;

Учинчи клубимиз Ироқ кубоги соҳиби билан Ўзбекистонда учрашади.

Мабодо, мазкур баҳсларда вакилларимиз зафар қучишса, ҳар икки клубимиз сафарга боради:

Учинчи клубимиз – БАА жамоаси (“Ал-Наср”, Дубай) билан ўйнайди;

Иккинчи клубимиз – Саудия Арабистони жамоаси (“Ал-Наср”, АР-Риёд) билан ўйнайди.

Агар Ироқ яна ОФК лицензиялаш талабларини бажара олмаса, у ҳолда икккинчи жамоамиз ўз майдонида Қувайт ҳамда Баҳрайн чемпиони ўртасидаги баҳс ғолиби билан куч синашиб, ғалаба қозонган тақдирда, навбатдаги ўйинини Эронда (“Зоб-Оҳан”, Исфахон билан) ўтказади. Учинчи клубимиз эса ўз уйида Сурия чемпионига қарши баҳс юритади ва мазкур учрашувда ғалаба қозонса, Саудия Арабистонининг “Ал-Наср” жамоаси меҳмони бўлади.

Ушбу ҳолатда барча вариантларнинг фақат иккитаси келтириб ўтилган.

Алишер Никимбаевнинг “Телеграм”даги “Футболиум” канали