Англия чемпионатининг 9-туридан ўрин олган «Арсенал» – «Лестер» учрашуви ўз ниҳоясига етди. «Эмирейтс» стадионида бўлиб ўтган ўйинда мезбонлар иродали ғалабани қўлга киритишди.

31-дақиқада Чилвелл чап қанотдан мезбонлар жарима майдонига ёриб кирди ва марказга узатмани амалга оширди, бироқ тўп Эктор Бельеринга тегиб ўз йўналишини ўзгартирди ва Лено дарвозасидан жой олди.

Биринчи бўлимнинг сўнгги дақиқаси ўтиб бораётган бир вақтда Бельерин ўнг қанотдан тезлик олди ва тўпни жарима майдонига узатиб берди, у ерда Месут Ўзил ўзининг аниқ зарбаси билан дарвозани ишғол этди.

Иккинчи бўлим ўрталида Пьер-Эмерик Обамеянг кетма-кет икки бор гол уриб дубл қайд этди ва жамоасининг ғалабасини таъминлади.

Шу тариқа, Унаи Эмери шогирдлари АПЛдаги ғалабали серияни еттита ўйинга етказдилар ва турнир жадвалида тўртинчи поғонани эгаллаб турибдилар.

АПЛ. 9-ТУР

АРСЕНАЛ – ЛЕСТЕР 3:1 (1:1)

Голлар: 0:1 – 31, автогол Бельерин, 1:1 – 45 Ўзил, 2:1 – 63 Обамеянг, 3:1 – 66 Обамеянг.

Арсенал: Лено, Мустафи, Лихтштайнер (Обамеянг, 61), Бельерин, Холдинг, Торрейра, Жака, Ўзил (Рэмзи, 80), Мхитарян (Гендузи, 61), Ивоби, Ляказетт.

Лестер: Шмейхель, Магуайр, Эванс, Чилуэлл, Рикарду Перейра (Геззаль, 69), Ндиди, Амарти, Менди, Мэддисон (Окадзаки, 75), Ихеаначо (Олбрайтон, 61), Варди.

Огоҳлантиришлар: Холдинг (17), Жака (35), Олбрайтон (64), Рикарду Перейра (65).