Клубимиз футбол мактабидан етишиб чиқиб, ҳозирги пайтда «аждарлар» шарафини муносиб ҳимоя қилиб келаётган ўйинчиларимиз талайгина. Шулар қаторида ярим ҳимоячимиз Шароф Муҳитдинов ҳам бор. Борган сари унинг ўйинлари чиройли ва мазмунли бўлаётганини, футбол ишқибозлари ҳам эътироф этишмоқда. Биз футболчимиздан эртага, «Қўқон-1912» жамоаси билан бўладиган ўйин ҳақидаги фикрлари билан ўртоқлашишни сўрадик.
-Эртага бизни қизиқарли ўйин кутиб турибди, ҳар доимгидек ушбу ўйинга ҳам пухта тайёргарлик кўрдик. Жамоадошларимни кайфияти жуда зўр. Кейинги учрашувларда ғалабаларимиз билан мухлисларимизни хурсанд қилаётганимиздан мамнунмиз. «Қўқон-1912» жамоаси кейинги учрашувларда муваффақият қозона олмаётган бўлсада, бу жамоа ўз ўйини билан ҳар қандай жамоага қарши кучли ўйин кўрсата оладиган кучга эга. Жамоа таркибида етарли тажрибага эга футболчилар жамланган. Жамодошларига нисбатан ёшроқ бўлсада, Жавоҳир Сиддиқовнинг кўрсатаётган ўйинларини алоҳида таъкидлаган бўлар эдим.
Биз учун эса энди орқага йўл йўқ. Қолган учрашувларни кўтаринки руҳда ўтказиб, ғалабаларимизни азиз мухлисларимизга туҳфа этиш ниятидамиз. Жамоадошларимнинг барчаси ана шу кайфиятда.
Ўтган турдаги голим ҳақида? Албатта, ўз голинг билан жамоанг ютуғига ҳисса қўшиш жуда ёқимли. Аммо мен учун қандай ҳолатда гол уришни фарқи йўқ. Муҳими тўғри келиб қолса, гол бўлса бўлди. Баъзан ўйинда ҳужумларимиз голга айланмай қолади. Шуни ҳисобга олиб, мураббийимиз рақиб дарвозасига узоқдан зарба йўллаб туришим ҳақида, ўйиндан олдин кўрсатма беради. Буни уддаласам ўзим ҳам хурсанд бўламан. Бизда асосан жамоавий ўйинга катта эътибор берилади. Майдонда ҳамма бирдек ҳаракат қилиши талаб этилади. Шундан келиб чиқиб, ўйиндаги урилган гол ҳаммамизники деб, ҳисоблайман.
Эртага об-ҳаво яхши бўлиб, мухлисларимиз стадионга кўпроқ келишса дейман, мухлисларимиз қанча кўп бўлишса бу – бизга шунча завқ беради, - дейди Шароф Муҳитдинов.
Манба: www.fcnasaf.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20