28-тур доирасидаги “Насаф” - “Қўқон-1912”(1:) учрашувидан кейин ўтказилган матбуот анжуманининг биринчи қисмида меҳмонлар устози Нўъмон Ҳасанов ва бугунги учрашувнинг энг яхши ўйиничларидан бири Жавоҳир Сидиқовлар иштирок этишди.
Нўъмон Ҳасанов: - Бугун жанговор ўйин бўлди. Жанговар дуранг десак ҳам бўлади. “Насаф” нафақат қуйи олтиликнинг балки, мамлакатимизнинг энг кучли жамоаларидан бири десак муболаға бўлмайди. Биз ҳар доим ғалаба учун майдонга тушамиз. Бугун майдонда очиқ футбол кўрсатадиган жамоалар ҳаракат қилишди. Футболчиларимга раҳмат айтаман. Иккинчи бўлимда кўрсатмаларимни яхши бажаришди. Биринчи бўлимда эса ҳимояда бир-иккита хато қилдик. Камчиликлар устида ишлаймиз. Қўқондан бизни қўллаб-қувватлаш учун келган мухлисларимизга ҳам миннатдорчилик билдираман. Бугунги ўйиндаги натижадан қониқдим десам ҳам бўлади.
Жавоҳир Сидиқов: - Нафақат қуйи олтиликдаги, балки чемпионатимиздаги энг кучли жамоаларидан бирига қарши майдонга тушаётганимизни яхши билардик. Бугун мураббийларимизнинг кўрсатмаларини қисман бажаришга муваффақ бўлдик. Тўлиқ бажаришимиз учун ғалаба қозонишимиз керак эди. “Насаф” ҳам бугун яхши ўйнади. Дуранг ёмон натижа эмас.
Кейинги ўйинда ўз майдонимизда тўп сурамиз. Мухлисларимиз олдида ғалаба қозонишга ҳаракат қиламиз.
Пресс-конференциянинг 2-қисмида эса "Насаф" устози Рўзиқул Беридев ҳам ўйин ҳақидаги ўз фикрлари билан ўртоқлашди.
-Бугун ғалабага лойиқ ўйин кўрсата олмадик. Яратилган вазиятлардан ҳам тўлиқ фойдалана олмадик. Агар яратилган вазиятларни голга айлантира олганимизда, бугун ғалаба қозонишимиз ҳам мумкин эди. Шунингдек Одил Ҳамробековни жароҳат олиб, майдонни эрта тарк этиши ҳам ўйинимизга ўз таъсирини кўрсатди. Энди “Қўқон-1912” жамоасига келадиган бўлсам, рақибимиз жиддий жамоа эди. Таркибида тажрибали футболчилар ҳам иқтидорли ёш футболчилар ҳам етарли. Албатта меҳмонлар ҳисобни тенглаштиргач, сақлаб қолиш пайида бўлишди. Бунга эришди ҳам. Иккинчи бўлимнинг қолган дақиқаларида ўзлари ҳам ҳужумга ўтишмади, бизга ҳам ҳужум қилиш қилишга йўл бермади. Ҳимояда ҳам бехато ўйнашди.
Биз икки кундан сўнг “Нефтчи” билан ўйнаймиз, бу ўйин ҳам биз учун осон бўлмайди. Бугунги ўйинни тезда унутиб, навбатдаги ўйинга жиддий тайёргарлик кўришга мажбурмиз. Энди оддий ўйин ҳам, осон ўйин ҳам қолмади. Жамоаларнинг турнир жадвалидаги ҳолатига қараб баҳо бериш нотўғри бўлади. Ҳар бир рақибни жиддий қабул қилиш керак.
Азизжон Ғаниев! Тўғриси Азизжонни ўзини ҳам, ўйинини ҳам ҳаммамиз соғиндик, у ноябр ўрталарида Япониядан қайтиб келади. Унинг ёрдами бизга жуда керак бўлаяпти. Келгандан кейин кўрамиз, балки бизга сўнгги ўйинларимизда ёрдам берар, - дейди Рўзиқул Бердиев
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20