Осиё чемпионлар лигаси финалининг дастлабки ўйини бўлиб ўтди.

Ўйин Япониянинг Кашима шаҳридаги «Кашима Соккер» стадионида бўлиб ўтди ва унда мезбон «Кашима Антлерс» жамоаси Эроннинг «Персеполис» клубини қабул қилиб ишончли ҳисобда ғалабага эришди.

Биринчи бўлимда дарвозалар дахлсиз қолганди. Иккинчи бўлимда эса мезбонларнинг легионер футболчилари Лео Силва ҳамда Сержиньо асосий ролга чиқишди ҳамда ҳар иккиси биттадан голга муаллифлик қилиб жамоасининг ғалабасини таъминлашди.

Маълумот учун, финалнинг иккинчи қисми 10 ноябрь куни Эрондаги «Озоди» стадионида бўлиб ўтади.

ОЧЛ. ФИНАЛ (биринчи ўйин)

«КАШИМА» (ЯПОНИЯ) – «ПЕРСЕПОЛИС» (ЭРОН) – 2:0 (0:0)

Кашима. «Касима Соккер» стадиони. 40728 томошабин.

Ҳакам: Ма Нин (Хитой).

Голлар: Лео Силва (58), Сержиньо (70).

Кашима:  Квон Сун Тэ, Дайго Ниши, Сюто Ямамото, Чун Син Хён, Гэн Сёжи, Лео Силва, Шома Дои (Рёта Нагаки, 80), Кенто Мисао, Сержиньо (Такеши Канамори, 90+1), Юма Сузуки, Хироки Абе (Коки Анзаи, 69).

Персеполис: Алирезо Бейранванд            , Шаян Муслиҳ, Халилзода Шожаий, Муҳаммад Ансори, Жалол Ҳусайни, Аҳмад Нуруллоҳи (Омид Алишоҳ, 70), Сиамак Немати, Башар Бонян, Камолиддин Камябиниа, Гудвин Менша, Али Алипур.

Огоҳлантиришлар: Хироки Абе (11) - Сиамак Немати (62), Халилзода Шожаий (72).

Четлатиш: Сиамак Немати (90+2, П.).