“Ливерпуль” клуби бош мураббийи Англия Премьер-лигаси доирасидаги “Арсенал”га қарши баҳс (1:1) бўйича фикрларини билдирди.

- Ажойиб гол урдик, у ерда офсайд йўқ эди. Ван Дейкда ҳам иккита яхши вазият бўлди, одатда, у бундай имкониятлардан кўзи юмуқ ҳолда фойдаланарди. Биринчи бўлимда мудофаа чизиғимиз кўрсатган ўйиндан қониқмадим, бундай ўйнашларини хоҳламайман. Қарши ҳужумларда эса ажойиб ўйнадик. Бир очко олдик – буни тўғри қабул қиламиз. “Арсенал” билан ўйинда қайд этилган дуранг – яхши натижа, аммо биз ғалабани кўзлагандик. Рақибда ҳам, бизда ҳам голга тортадиган вазиятлар кўп кузатилди.

Маненинг инобатга олинмаган голи? Бу саволга фақат бир киши жавоб бериши мумкин – ён қанот ҳаками. Бу футбол. Агар дастлабки узатмада офсайдни қайд этган бўлса, ўйлашимча, у ноҳақ эди. Лекин биз реферига қараганда кўпроқ хато қилдик ва бу ҳеч нарсани ўзгартирмайди. Агар ўша голни ҳисоблашганида, яхши бўларди. Ўйиндан сўнг ван Дейк билан гаплашганимда, у шундай деди: “Мен “хет-трик” қайд этишим керак эди”. Ўзим яхши футболчи бўлмаганман, аммо бошим билан ажойиб тарзда ўйнардим. Бугун майдонда бўлганимда, учта гол урардим, - деди Клопп ВВСга берган интервьюсида.