Таъкидлаш лозимки, испаниялик таниқли ярим ҳимоячи Андрес Иньестанинг Япония клубига ўтиши аввалига жамоа раҳбариятининг шу йўл билан ном қозонмоқчи эканидан далолат бераётгандек эди. Зеро «Виссел Кобе» мутасаддилари футболчи билан шартнома имзоланишидан олдин Иньестага тегишли шароб маҳсулотлари сотувини жадаллаштириш борасида ваъда беришганди. Japan Times нашрининг хабар беришича, япон клубида ўтган бир неча ой мобайнида футболчига қарашли маҳсулотлар сотуви камида 15 фоизга ўсди. Қолаверса, японлар Иньестага ҳавасга арзигулик маош ҳам белгилашган: футболчи кунчиқар юртда ўтадиган уч йил ичида 90 миллион доллар пул олади (кунига ўртача 82 минг).
Лекин бу гаплардан сўнг «Демак Иньеста Японияда шунчаки, пул учун тўп суряпти экан-да…» деган хаёлга борманг. Чунки моҳир ярим ҳимоячи «Виссел Кобе» учун шу пайтгача 10 марта майдонга тушиб, икки гол урди ва яна икки голга асиссентлик қилди. Боз устига, унинг япон клубидаги илк голи ҳарқандай телетанловга безак бўла олади.
Умуман олганда, Иньестани Японияда ҳурмат қилишади ва жуда эъзозлашади. Мисол учун, «Урава Ред Даймондс»га қарши ўйин арафасида испаниялик хавбек майдонга туша олмаслиги ҳақидаги хабар тарқалди. Маълумотнинг оммага ошкор бўлишига эса «Виссел Кобе» ярим ҳимоячиси Сюнхи Такаши сабабчи бўлган. Чунки айнан шу футболчи ўзининг яқин дўстига нохушлик ҳақида айтиб қўяди. Футболчининг дўсти эса мазкур оламшумул янгиликни «Твиттер»да танишларига йўллайди. Бу воқеанинг якуни шу бўлдики, Такаши жамоа ичида обрў-эътиборини йўқотишдан ташқари, каттагина жарима ҳам тўлади. «Виссел Кобе» клуби раҳбарлари эса Иньестадан ва мухлислардан узр сўрашга мажбур бўлишди.
Испанияликнинг «Виссел Кобе»да алиштириб бўлмас футболчи эканини тасдиқловчи яна бир воқеа: август ойи охирларида Иньеста кутилмаган жароҳатга йўлиқиб, навбатдаги икки ўйинни ўтказиб юборишига тўғри келиб қолди. Иккинчи ўйин эса «Кобе»нинг ўз майдонида ўтиши керак. Мухлислар эса айнан Андреасни кўриш учунгина стадионга келишади. Хўш, бу вазиятда нима қилиш керак?! «Кобе» мутасаддилари муаммога оқилона ечим топиб, Иньестанинг япониялик қиёфадошини излаб топишди ва пул эвазига уни маълум муддатга ёллашди. «Сохта Иньеста» эса учрашув якунида мухлислар билан жон-жон деб суратга тушиб берди. Тўғри, айрим мухлислар Иньеста япон тилини бемалол тушунаётганидан ҳайратга ҳам тушишди, аммо энг муҳими, сир – сирлигича қолди…
Айтганча, куни кеча Иньеста "Виссел Кобе" сафида ажойиб пас берди ва германиялик машҳур футболчи Лукаш Подольски гол урди...
>>>ВИДЕОНИ КЎЧИРИБ ОЛИШ<<<
Манба: interfutbol.uz
Киритилган сана: 17.12.2017 17:00
Киритилган сана: 23.11.2017 06:27
Киритилган сана: 29.10.2017 17:51
Киритилган сана: 20.12.2017 09:09
Киритилган сана: 26.11.2017 06:28
Киритилган сана: 29.12.2017 00:29
Киритилган сана: 16.05.2017 14:23
Киритилган сана: 23.07.2017 22:07
Киритилган сана: 24.11.2017 00:17
Киритилган сана: 21.09.2017 12:35
Киритилган сана: 16.01.2018 04:31
Киритилган сана: 07.01.2017 14:02
Киритилган сана: 05.11.2017 13:21
Киритилган сана: 09.10.2017 00:15
Киритилган сана: 08.05.2017 04:20