"Сўғдиёна" – АГМК(1:0) учрашувидан сўнг жамоалар мураббийлари ўйин хусусидаги фикрларини журналистларга қуйидагича баён қилишди:

 Б.Ашурматов(АГМК)- Бугун ўйин темпига киришиб кетишимиз бироз қийин бўлди. Афсуски, рақиб жамоа гол киритмагунига қадар биз ўз ўйинимизни кўрсатишни уддалай олмадик. Гол ўтказиб юборгандан сўнг жанговар ўйин кўрсата бошладик. Бироқ ҳисоб ўйин охирига қадар ўзгармади. Агар илк дақиқаларданоқ шундай руҳда ўйнаганимизда ҳисоб бошқача бўлиши ҳам мумкин эди. Шуни алоҳида таъкидлашим жоизки, Кубокни ютганимиздан сўнг энди чемпионатда ҳам муносиб ўйин кўрсатишимиз талаб этилади. Умид қиламанки, йигитлар бугунги хатолардан тўғри хулоса чиқаришади, - деди мураббий.

С.Лушчан(Сўғдиёна)- Йигитларга ҳеч қандай эътирозим йўқ. Улар бугун майдонда борини бериб ҳаракат қилишди. Тўғриси, қийин ўйин бўлди. Энг қийин ўйинларни одатда АГМКга қарши ўтказамиз. Улар кўп тарафлама биздан устун. Бугун эса гол киритиш бизнинг жамоага насиб этди. Ғалаба билан барчани табриклайман, - деди мутахассиc.

ПФЛ матбуот хизмати.