“Бунёдкор” – “Локомотив”(2:2) учрашувидан сўнг жамоалар устозлари Андрей Фёдоров ва Миржалол Қосимовларўйин хусусида қуйидагича фикр билдиришди: 

А.Фёдоров:- “Бунёдкор”га қарши мавсумдаги 4-ўйинни ўтказдик. Бирорта баҳс мухлисларни бефарқ қолдирадиган тарзда ўтмади. Бундай учрашувлар мухлислар учун қизиқ, лекин мураббийлар учун бироз қийинроқ кўриниш олади. Зеро ҳар икки жамоа дарвозаси яқинида ҳам кўплаб хавфли вазиятлар юзага келади. Таркибда амалга оширилган мажбурий ўзгартиришлар ўйин учун тузган режаларимизни ўзгартириб юборди. Ҳисобда ортда борсакда, йигитлар ўйин охирига қадар борини бериб ҳаракат қилишганидан хурсандман. Бугун ҳар икки жамоада ҳам ғолиб бўлиш ёки ўйинни бой бериш имконияти бир хил эди, - деди мутахассис.
М.Қосимов: - Бугун ғалаба қозонишни жуда ҳам истаган эдик. Мусобақа жадвалидаги ўрнимиз ҳам буни тақазо этар эди. Бугун ҳар икки жамоа ҳам чиройли ўйин намойиш этди. Ҳисоб 2:1 бўлиб турган вазиятда юзага келган қулай имкониятдан унумли фойдаланганимизда, балким мақсадимизга эришган бўлармидик. Лекин бу – футбол. Шундай ҳолатлари билан ҳам ушбу спорт қизиқ саналади. Энди олдиндаги ўйинларда мазмунли ўйнаб, ғалаба қозонишга ҳаракат қиламиз...

ПФЛ матбуот хизмати